Бахира

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Бахира - Мұхаммедтің (с.а.у.) өмірі туралы айтылатын мұсылман аңыздарының кейіпкері, Мұхаммедтің (с.а.у.) болашақ Пайғамбар екенін болжаған, Сириядағы Бостра қаласынан шыққан христиан монахы. Аңыз бойынша, Шамға барып, қайтар жолда Мекке керуені Бахира үйінің жанына дем алу үшін жиі тоқтайтын. Бірде Әбу Тәліп сапарға өзінің немере інісі Мұхаммедті (с.а.у.) де ала шығады. Бахира бұлттардың, күннің және ағаш бұтактарының қозғалысы бойынша жолаушылардың арасында болашақ Пайғамбардың барын анықтап, бала Мұхаммедке (с.а.у) тоқталады. Ол Әбу Тәліпке балаға абай болуға және оны яһудилер өлтіріл кетпес үшін Шамға бармауға ақыл-кеңес береді. Бахира туралы аңыз, Мұхаммедтің (с.а.у.) керуенге ілесіп, Сирияға жасаған сапарында жүздескен сириялық христиандардың оның діни түсінігінің қалыптасуына белгілі бір ықпал еткенінен көрініс берсе керек.[1]

Дереккөздер[өңдеу]

  1. *Ибн Сад, Табакат, 1/1,76. 82 - 83; Ибн Хишам, Сира, 1, 115 - 120;
    • ат - Табарп, Тарих,1, 1123- 1125. Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1