Бахытжан Қабдешұлы Қапышев

Бахытжан Қабдешұлы Қапышев

1967 жылы 8 қаңтарда Алматы қаласында туған. Қазақ.

Әкесі - Қапышев Қабдеш, зейнеткер, оқытушылық қызметпен айналысқан. Анасы - Мұжықбаева Аптын Сматқызы, зейнеткер, ғылыми және оқытушылық қызметпен айналысқан.

В.И. Ленин атындағы Қазақ политехникалық институтының электронды есептегіш машиналар факультетін (1991) инженер-жүйе технигі мамандығы бойынша; Мемлекеттік басқару академиясының жанындағы Нарық институтының қаржы және несие факультетін (1998) экономист мамандығы бойынша бітірген.

1991-1992 жылдар аралығында - В.И. Ленин атындағы Қазақ политехникалық институтында инженер-бағдарламалаушы. 1993 жылдан - ҚР Ұлттық банкінің Ақпараттық технологиялар депаратментінде банк ішіндегі жұмыстарды автоматтандыру бөлімінің аға инженер-бағдарламалаушысы. 1994 жылдан - ҚР Ұлттық банкінің Ақпараттық технологиялар департаментінде банк ішіндегі жұмыстарды автоматтандыру бөлімінің бас инженер-бағдарламалаушысы. 1995 жылдан - ҚР Ұлттық банкінің Мемлекеттік бағалы қағаздар басқармасында мемлекеттік бағалы қағаздар депозитарийі және қосалқы бухгалтерия бөлімінің бастығы. 1996 жылдан - ҚР Ұлттық банкінің депозитарий басқармасы бастығының орынбасары.

1997 жылдан бері - «Орталық бағалы қағаздар депозитарийі» АҚ президенті.

ҚР Президентінің; Қырғыз Республикасының Қаржы нарығын қадағалау және реттеу қызметінің құрмет грамоталарымен марапатталған.

Әскери атағы - запастағы лейтенант.

Сүйіп оқитын әдебиеті - публицистика.

Үйленген. Жұбайы - Қапышева Гүлжан Әкімқызы (1969 жылы туған). Ұлдары - Нұри (1990 жылы туған), Ғалым (1999 жылы туған).