Баян Мақсатқызы Алагөзова
| Баян Мақсатқызы Алагөзова | |
 | |
| Туған күні | |
|---|---|
| Туған жері | |
| Қызметі | |
| Білімі | |
| Әкесі |
Мақсат Мұхитденов |
| Анасы |
Гүлжамал Мұхитденова |
| Жұбайы |
Бақытбек Есентаев
(үйл. 1994; аж. 2016) |
| Балалары |
қыздары 1-некеден |
Баян Мақсатқызы Алагөзова (туған кездегі тегі — Мұхитденова, бірінші некесінде — Есентаева; 9 қаңтар 1974, Орал[1]) — қазақстандық белгілі продюсер, тележүргізуші, актриса, әнші, Қазақстанның еңбек сіңірген қайраткері (2025)[2]. «Shine Production» және «BM Production» компанияларының негізін қалаушы.
Өмірбаяны
[өңдеу | қайнарын өңдеу]Отбасы
[өңдеу | қайнарын өңдеу]Баян Мақсатқызы 1974 жылы 9 қаңтарда Орал қаласында Мақсатн Мұхитдинов пен Гүлжамал Мұхитдинованың отбасында дүниеге келген. Кіші жүздің Байұлы Масқар руынан шыққан.[3]
Әкесі Мақсат Зайлагиұлы Мұхитденов — дыбыс режиссері, ал анасы Гүлжамал Айдарқызы Мұхитденова — актриса. Олар Алматы қаласында жұмыс істеп тұратын. Баян ата-әжесінің қолында Оралда тұратын. Атасы Орал филармониясының директоры.
7 жасына дейін Оралда ата-әжесінің тәрбиесінде болып, кейін Алматыға қоныс аударған. Алғашқы білімін педагогикалық училищеде алғанымен, кейін Т. Жүргенов атындағы Театр институтына ауысып, оны тәмамдаған. Сондай-ақ, Әл-Фараби атындағы ҚазҰУ-дың халықаралық журналистика факультетін бітірген.
Анасы актриса болған, сондықтан Баянды педагогика факультетіне оқуға түсіреді. Бірақ Баян жасырын кино факультетіне ауысып алады.
- Бауырлары: Әпкесі — Бәтес (әнші Аша Матайдың анасы), сіңлісі — Бағым Мұхитденова (музыкалық продюсер).
Білімі
[өңдеу | қайнарын өңдеу]- Қазақ ұлттық университеті, Журналистика факультеті
Шығармашылығы
[өңдеу | қайнарын өңдеу]Продюсерлік жобалары
[өңдеу | қайнарын өңдеу]Кино және Телевизия
[өңдеу | қайнарын өңдеу]1993 жылы Талғат Теменовтың «Махаббат бекеті» (Станция любви) фильміндегі Гүлнәз рөлімен танымал болды. Одан кейін 6 жыл бойы жаңалықтар қызметінде тілші болып жұмыс істеді.
- 2001 жылы «Таң» телеарнасында өзінің алғашқы «Сары салон» авторлық бағдарламасын шығарды.
- 2004–2008 жылдары «НТК» арнасындағы «На шпильке» бағдарламасы арқылы халыққа кеңінен танылды.
- «Екі жұлдыз», «Саз әлемі» жобаларын жүргізді.
Продюсерлік қызмет
[өңдеу | қайнарын өңдеу]2006 жылы Бағым Мұхитденовамен бірге «КешYOU» тобын құрды. Топ құрамында әр жылдары Мөлдiр Әуелбекова, Жанар Дұғалова, Кәмшат Жолдыбаева секілді жұлдыздар өнер көрсетті. 2024 жылы топ Snoop Dogg-пен бірге «Forever Sunday» атты бірлескен туынды шығарды.
Продюсерлік жобалары:
- Топтар: «КешYOU», «Borte», «Ayari», «Іңкәр», «Lashyn».
- Кино: «Ғашық жүрек» (2 бөлім), «Тракторшының махаббаты», «Абайлаңыз, сиыр!», «Бақыт» (2022 жылғы Берлин кинофестивалінің көрермендер көзайымы жүлдесінің иегері).
- Конкурстар: «Қазақ аруы» ұлттық сұлулық байқауы.
Қоғамдық қызметі
[өңдеу | қайнарын өңдеу]Баян Алагөзова әйелдер құқығын қорғау мәселелеріне белсенді араласады. Тұрмыстық зорлық-зомбылықтан зардап шеккен әйелдерге арналған «Клара» оңалту орталығын ашты. Орталық Тұрсынғали Алагөзовтің анасының құрметіне аталған.
Марапаттары
[өңдеу | қайнарын өңдеу]- «Құрмет» орденінің иегері
Жеке өмірі
[өңдеу | қайнарын өңдеу]- Бірінші некесі: 1994 жылы Бақытбек Есентаевпен тұрмыс құрды. Бұл некеден екі қызы бар: Айсәуле және Айару. 2016 жылы болған отбасылық жанжалдан кейін ерлі-зайыптылар ажырасты.
- Екінші некесі: 2017 жылы кәсіпкер Тұрсынғали Алагөзовпен некесін қиды. 2024 жылы жұптың Алиса және Алма есімді екі қызы дүниеге келді.
Дереккөздер
[өңдеу | қайнарын өңдеу]- ↑ Жұлдыздар отбасы. Баян Мақсатқызы Есентаева (9 қаңтар 2017).
- ↑ Баян Алагөзованың келіні «Қазақстанның еңбек сіңірген қайраткері» атағын алды (21 мамыр 2025 жыл).
- ↑ https://alashainasy.kz/makalalar/sharshattyi-boldyim-bayan-maksatkyizyinyin-akes-kyizyin-karalagandarga-algash-104918/ Мұрағатталған 14 қарашаның 2018 жылы.
Сыртқы сілтемелер
[өңдеу | қайнарын өңдеу]- Баян Есентаева. Интервью Мұрағатталған 7 мамырдың 2012 жылы. (орыс.)