Бағдарлар

Уикипедия — ашық энциклопедиясынан алынған мәлімет
Jump to navigation Jump to search

Бағдарлар (фр. orientation — шығысқа бағыттау), (лат. oriens — шығыс) — бақыланатын жердегі жақсы көрінетін және қоршаған ортадан ерекшеленіп түратын жергілікті зат немесе бедер элементі. Әскерлерде бағдарлар өзінің тұрған орнын, қозғалыс бағытын анықтау, ұрыс кезінде бөлімшелерді және атысты басқаруды оңайлату үшін қолданылады. Олардың көмегімен бақылау және ату секторлары белгіленеді, бөлімшелерге нысананы белгілеу және жауынгерлік тапсырма қою жүргізіледі. Бағдарлар әскерлердің ұрыстық іс-қимылы және қозғалысы, оған дайындалу мен жүргізу кезінде аға командирлер басшылығымен іске асады. Қажет болған жағдайда бағынышты командирлер қосымша бағдарлар белгілейді. Қолдануға ыңғайлы болу үшін бөлімшенің бақылау пунктінде бағдарлар сызбасы жасалады. Авиацияда бағдарлар ұшақтардың ұшу бағытын анықтау үшін қолданылады. Бағдарлар ретінде ұшу кезінде ұшақтан жақсы көрінетін және ұшу картасында оңай анықталатын жергілікті объектілер белгіленеді. Бағдарлар нүктелі, сызықты және ауданды болып бөлінеді. Нүктелі бағдарлар ретінде шағын жергілікті пункттер, шағын көлдер мен су қоймалары, орман аз жердегі шоқ тоғайлар, жолдар қиылысы қызмет етеді. Сызықты бағдарлар ретінде темір және тас жолдар, өзендер, теңіздердің жағалау сызықтары, ал ауданды бағдарлар ретінде — үлкен қалалар, үлкен көлдер мен су қоймалары, жекелеген үлкен орман алқаптары қызмет етеді.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ , 2001 жыл