Бағфүр Әлімқұлұлы Ақылбаев

Уикипедия — ашық энциклопедиясынан алынған мәлімет
Jump to navigation Jump to search

Бағфүр Әлімқұлұлы Ақылбаев (1910-1981) - Абайдың шөбересі, малдәрігері.


Ұзақ жыл бойы Алматы маңындағы Мыңбаев селосында тұрып, К. Мыңбаев атындағы қазақ мал шаруашылығы ғылыми-зерттеу институтының директоры болып істеген. Ата-бабаларынан қалған біраз мұраны Абайдың Семейдегі әдеби-мемориалиалдық музейіне өткізген. Оның ішінде Құнанбайдың Меккеден киіп келген тақиясы да бар.[1]


Абайдың «Мына үйде отыр Разақ...» деген өлеңі бар. Ақылбаев Әуезовтің ағасы Разақ Омарханұлының қызы Ғапураға үйленген. Одан Эрнест (1935-1982), Бауэр (1937-1979), Айдар (1949 жылы туған) атты үш ұл көрген. Бағұфұр ұлы жазушы Әуезовпен сырлас іні, сыйлы күйеу бала ретінде етене араласып тұрған. Абайдың, Мұхтардың ескерткіш заттарын ұлы ақынның Семейдегі мұражайына тапсырды. Мұхтар Омарханұлы Әуезов 1923 жылы Ленинградтан сатып алып, Кәмила Мағауияқызына сыйлаған «Зингер» тігін машинасы осы үйде сақталған. Оны Ғазел Мағауияқызы «Әуезов үйі» ғылыми-мәдени орталығының қорына 1997 жылы тапсырды.[2]

Дереккөздер[өңдеу]

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9
  2. Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8