Бақытжан Жұмабекұлы Базарбек

	Бақытжан Жұмабекұлы Базарбек;
	; Базарбек, 2023 жыл
Лауазымы
29 наурыз 2023 жылдан бастап
Өмірбаяны
Партиясы	Әділет (2012)
Білімі	Қазақ мемлекеттік заң академиясы (2002); МИРБИС (2013);
Ғылыми дәрежесі	Құқық, экономика, іскерлік әкімшілік магистрі (2013)
Мамандығы	Заңгер; саясаткер;
Дүниеге келуі	4 маусым 1981 (45 жас); Жамбыл, Жамбыл облысы, Қазақ КСР, КСРО
Жұбайы	Адель Әділова
Балалары	2
	Құрмет ордені
Бақытжан Жұмабекұлы Базарбек Ортаққорда
	өңдеу

Бақытжан Жұмабекұлы Базарбек (4 маусым 1981 жыл, Жамбыл) — қазақстандық заңгер және саясаткер, 2023 жылғы наурыздан бергі Қазақстан Мәжілісі VIII сайланымының депутаты.

Бірмандатты округтан Мәжіліс депутаты болып сайланған Базарбек кейін Мәжіліс Заңнама және сот-құқықтық реформа комитетінің мүшесі атанды.

Ерте жылдары және білімі

Базарбек 1981 жылғы 4 маусымда Жамбыл қаласында дүниеге келген. Бала кезінде ол Жамбылдың Төле би атындағы №8 мектебін тәмамдаған.^[1]

1998 жылдан Алматыда Базарбек заңгер мамандығы бойынша Қазақ мемлекеттік заң академиясында білім алды да, оқуын 2002 жылы бітірді.^[1] 2011 жылдан 2013 жылға дейін ол МИБРИС оқу орнында оқып, іскерлік әкімшілік магистрі атанды.^[2]

Кәсіби, білім беру мансабы

Еңбек жолын Базарбек 2002 жылы Еуразия ұлттық университетінде (ЕҰУ) бастады. Ол жерде ол 2004 жылға дейін мұғалім, ЕҰУ заң институты директорының орынбасары болды.

2004 жылғы наурыздан қыркүйекке дейін Базарбек Білім және ғылым министрлігінің Білім мен тестілеудің мемлекеттік стандарттарының ұлттық орталығындағы әкімшілік-құқықтық бөлімге басшылық етті.^[1]

2004 жылдан 2015 жылға дейін ол Қазақ гуманитарлық заң университетінде аға оқытушы болды. Осы жылдары ол, оған қоса, «Орманды қорғау» ЖШС, «Жасыл» экономиканы қолдау және G-GLOBAL-ды дамыту коалициясы» ЗТБ, «Көліктік сервис орталығы» АҚ сияқты компанияларда жұмыс істеді.^[2]

2015 жылдан 2016 жылға дейін ол Тұран-Астана университетінде аға оқытушы болды. Одан кейін, 2023 жылғы 27 наурызға дейін ол «Bazarbek&Partners» ЖШС-н басқарды және «Қазақстан заңгерлер одағы» РҚБ Алматы филиалының хатшысы болды.^[2]

Түрлі жылдары Базарбек Алматы әкімдігімен, Қазақстан Республикасының Парламентімен, Энергетика мен Ұлттық экономика министрліктерімен, Атамекен ұлттық кәсіпкерлер палатасымен, Қазақстан Республикасының Үкіметімен бірге жұмыс істеген.^[2]

Саяси мансабы

Сайлану тарихы

2012 жылғы парламент сайлауында Базарбек өзін Әділет демократиялық партиясының атынан ұсынған болатын, алайда жеңіліп, Мәжіліс депутаттығына қол жеткізе алмады.^[2]

2023 жылы Базарбек өзін бірмандатты округтан Мәжіліс депутаттығына ұсынды. Сайлауда жеңіске жеткен ол өкілеттігін 2023 жылғы 29 наурызда бастады.

Мәжіліс депутаты

Мәжіліс депутаты ретінде Базарбек елдегі қылмыс, су,^[3] жер мен сыбайлас жемқорлық^[4] сияқты мәселелеріне көңіл бөлген.

Базарбек Тоқаевтың «Әділетті Қазақстан» саясатын қолдайды.^[4]

Марапаттары

Базарбектің марапаттары қатарында:

Құрмет ордені бар.^[5]

Өз өмірі

Базарбек Адель Әділоваға үйленген,^[2] олардың екі баласы бар.^[1] Базарбек қазақ, орыс пен ағылшын тілдерін меңгерген.^[2]

Дереккөздер

1 2 3 4 5 6 Базарбек Бақытжан Жұмабекұлы (қаз.). Қазақстан Парламенті Мәжілісінің ресми сайты. Тексерілді, 8 шілде 2025.
1 2 3 4 5 6 7 Базарбек Бакытжан Жумабекулы (орыс.). online.zakon.kz. Тексерілді, 9 шілде 2025.
↑ Бақытжан Базарбек: Су қоймаларының тағдырын мафия шешіп отыр (қаз.). kaz.inform.kz. (17 сәуір 2024). Тексерілді, 9 шілде 2025.
1 2 Өрібай, Аян Бақытжан Базарбек Парламенттен кетуі мүмкін бе (қаз.). qaz.ulysmedia.kz. (4 желтоқсан 2024). Тексерілді, 9 шілде 2025.
↑ Бақытжан Жұмабекұлы Базарбек (қаз.). kaz.inform.kz. Тексерілді, 9 шілде 2025.

[majilis-1] 1 2 3 4 5 6 Базарбек Бақытжан Жұмабекұлы (қаз.). Қазақстан Парламенті Мәжілісінің ресми сайты. Тексерілді, 8 шілде 2025.

[zakon-2] 1 2 3 4 5 6 7 Базарбек Бакытжан Жумабекулы (орыс.). online.zakon.kz. Тексерілді, 9 шілде 2025.

[3] Бақытжан Базарбек: Су қоймаларының тағдырын мафия шешіп отыр (қаз.). kaz.inform.kz. (17 сәуір 2024). Тексерілді, 9 шілде 2025.

[keteme-4] 1 2 Өрібай, Аян Бақытжан Базарбек Парламенттен кетуі мүмкін бе (қаз.). qaz.ulysmedia.kz. (4 желтоқсан 2024). Тексерілді, 9 шілде 2025.

[5] Бақытжан Жұмабекұлы Базарбек (қаз.). kaz.inform.kz. Тексерілді, 9 шілде 2025.

[1]

[2]

[3]

[4]

[5]