Бақытжан Шаймұхаметұлы Сапиев
| Бақытжан Шаймұхаметұлы Сапиев | ||||
| Лауазымы | ||||
|---|---|---|---|---|
| ||||
| 25 қыркүйек 2025 жылдан бастап | ||||
| Президент | Қасым-Жомарт Тоқаев | |||
| Ізашары | Ернар Баспаев | |||
| ||||
| 22 қыркүйек 2023 — 25 қыркүйек 2025 | ||||
| Президент | Қасым-Жомарт Тоқаев | |||
| Ізашары | Ғабидолла Оспанқұлов | |||
| Ізбасары | Әлихан Жамсатов | |||
| Өмірбаяны | ||||
| Білімі | Қазақ ауыл шаруашылығы институты Қазақ мемлекеттік басқару академиясы | |||
| Дүниеге келуі | 25 маусым 1966 (60 жас) Жаркент, Панфилов ауданы, Алматы облысы, Қазақ КСР, КСРО | |||
| Әкесі | Шаймұхамбет Сапиев | |||
өңдеу  | ||||
Бақытжан Шаймұхаметұлы Сапиев (25 маусым 1966, Жаркент, Панфилов ауданы, Алматы облысы) — қазақстандық саясаткер және экономист, 2025 жылдан бастап Президенттің кеңесшісі. Экономика ғылымдарының кандидаты.
Өмірбаяны
[өңдеу | дереккөзін өңдеу]Бақытжан Сапиев 1966 жылы 25 маусымда Алматы облысы Панфилов ауданы Жаркент қаласында дүниеге келген.
1988 жылы Қазақ ауыл шаруашылығы институтын, 1999 жылы Қазақ мемлекеттік басқару академиясын, 2006 жылы Экономика және құқық академиясын бітірген.
Еңбек жолын 1988–1992 жылдары Қазақ ауыл шаруашылығы институтының «Ауыл шаруашылығында электр және жылу қуатын қолдану» кафедрасының лаборанты, ассистенті, аға оқытушысы болып бастаған.
1992–1993 жылдары – Алматы қаласы Алатау аудандық әкімшілігі құрылыс бөлімінің маманы, бас маманы;
1993–1997 жылдары – Алматы қаласы Алатау аудандық әкімшілігі экологиялық инспекциясының басшысы;
1997–1998 жылдары – Алматы қаласы Әуезов ауданы әкімдігі аппаратының экологиялық-санитарлық инспекциясы бөлімінің басшысы;
1998–2008 жылдары – Алматы қаласы Бостандық ауданы әкімінің орынбасары;
2008–2012 жылдары – Алматы қаласы кәсіпкерлік және өнеркәсіп басқармасының басшысы;
2018–2019 жылдары – Инвестициялар және даму министрлігі Техникалық реттеу және метрология комитетінің Астана қаласы бойынша департаментінің басшысы – мемлекеттік бақылау жөніндегі бас мемлекеттік инспектор;
2019–2020 жылдары – Индустрия және инфрақұрылымдық даму министрлігі Индустриялық даму және өнеркәсіптік қауіпсіздік комитеті төрағасының орынбасары;
2020 жылдан бастап Президент Әкімшілігінде жұмыс істейді.
2020–2023 жылдары Мемлекеттік бақылау және аумақтық-ұйымдастыру жұмысы бөлімінің мемлекеттік инспекторы, бөлім меңгерушісінің орынбасары және 2023–2025 жылдары Мемлекеттік бақылау бөлімінің меңгерушісі болды.[1]
2025 жылғы 25 қыркүйек күні Президенттің кеңесшісі болып тағайындалды.[2]
Отбасы
[өңдеу | дереккөзін өңдеу]Әкесі Шаймұхамбет Сапиев (1926–1996 жылдары өмір сүрген) — кеңес заманындағы партия және мемлекет қайраткері, әр жылдары Андреев және Панфилов ауданы партия комитетінің бірінші хатшысы, Талдықорған облысы партия комитетінің хатшысы болған.