Безбен

Уикипедия — ашық энциклопедиясынан алынған мәлімет
Jump to navigation Jump to search
Безбен

Безбен - қол таразы. Ұста Дәркембай Шоқпарұлының мәліметі бойынша безбен - қымбат металдарды өлшейтін күйентелі, ыдысқа салынған сусымалы заттарды өлшейтін серіппелі, салмағы 25 кг-ға дейінгі тұтас заттарды өлшейтін иінді таразының бір түрі.

ҚР MOM қорындағы безбен металдан жасалған. Екі басында ілгегі бар көлденен орнатылған темірден (иін) және басында шығыры мен ұшында ілгегі бар білтемірден тұрады. Көлемі 82x52 см. Безбенмен өлшеу тәсілі қарапайым. Иықшаның бір басына ілінген кір тасының салмағына иықшаның екінші басына ілінген тауар салмағы теңдескен кезде ортасындағы тіл дәл ортаға келеді. Тауар салмағы осылайша өлшенеді.

КП 12006 нөмірлі, алтын, күміс сияқты металдарды нақты өлшейтін зергер безбені қоладан жасалған. Иінінің ұзындығы 19 см, табақшаларының диаметрі 9,5 см. Иінінің екі ұшында жіп арқылы табақшалар бекітілетін екі тесігі бар. Ортасындағы белтемірі және дәлдікті көрсететін тілі тікбұрышты шығыр арқылы орнатылған.[1]

Дереккөздер[өңдеу]

  1. Қазақтың этнографиялық категориялар, ұғымдар мен атауларының дәстүрлі жүйесі. Энциклопедия. - Алматы: DPS, 2011. - ISBN 978-601-7026-17-2