Бейнелерді тану

Уикипедия — ашық энциклопедиясынан алынған мәлімет
Jump to navigation Jump to search

Бейнелерді тану – белгісіз объект, сигнал, түрлі оқиға, құбылыс немесе пропестерден құрылған кластарды (бейнелерді) тануға немесе анықтауға арналған жүйелерді жасаудың және оны жүзеге асырудың принциптері мен теориясын зерттейтін кибернетиканың бөлімі. Бұнын мәселесі автоматтарды классификациялық есептерді шешуге пайдалану мүмкіндігін зерттеуден шыққан. [1]

Әрбір класқа тән оқиғаның ықтималдығы тым көп болғандықтан, оны еске сақтау, іс жүзінде мүмкін емес. Бейнелерді тануға арналған жүйенің қолда бар мәліметті, оның өзіне тән белгілері бойынша, шектеулі оқиға санын қамтитын кластарға топтастыратындай қабілеті болу керек. Биологияда күрделі оқиғаларды классификациялау қабілеті үйрету арқылы жүзеге асырылады. Сондықтан үйрету принциптерін классификациялық автоматтарды (жүйені) жасауға пайдалану тиімді болады.

Бейнені танудың жүйелері үйретілетін, үйретілмейтін және өзін-өзі үйрететін жүйелерге бөлінеді. Үйретілетін жүйелерде априорлық информация кескінді классифиқациялауға ғана жарайды. Жүйені өзіне белгісіз кескінді тануға дайындау үшін, оны соған "үйретеді", яғни оған белгілі класқа жататын кескін көрсетіледі. Өзін-өзі үйрететін жүйелерде априорлық информация кескінді толық классифиқациялауға да жарамайды. Мұндай жүйені Бейнені тануға дайындау, жүйенің өзін-өзі үйретуі арқылы жүзеге асырылады. Практикада алғашқы екі жүйе көбірек колданылады.

Дереккөздер[өңдеу]

  1. Қазақ телевизиясы. Энциклопедия. — Алматы: "ҚазАқпарат", 2009, 1-т. — 640 б. ISBN 978-601-03-0070-5