Бектауата қорықшасы

Уикипедия — ашық энциклопедиясынан алынған мәлімет
Навигацияға өту Іздеуге өту

Бектауата қорықшасы
Жалпы мағлұмат
Ауданы500 га
Орналасуы
47°28′53″ с. е. 74°45′45″ ш. б. / 47.4815024° с. е. 74.76261374° ш. б. / 47.4815024; 74.76261374 (G) (O) (Я)Координаттар: 47°28′53″ с. е. 74°45′45″ ш. б. / 47.4815024° с. е. 74.76261374° ш. б. / 47.4815024; 74.76261374 (G) (O) (Я) (T)
Ел Қазақстан
АймақҚарағанды облысы
АуданНұра ауданы
Бектауата қорықшасы (Қазақстан)
Бектауата қорықшасы
Бектауата қорықшасы (Қарағанды облысы)
Бектауата қорықшасы

Бектауата қорықшасы – мемлекеттік табиғи қорықша. Жалпы ауданы 500 га. Мақсаты – тікелей шөл зонасындағы таулардың орман-бұталы өсімдіктері мен жануарларын қорғау.

Географиялық орны

[өңдеу | қайнарын өңдеу]

Қарағанды облысының Нұра ауданы жерінде, Солтүстік Балқаш өңірінің оазисі болып табылатын Бектауата тау массивінде орналасқан.

Қорықтың негізгі ландшафты – негізінен гранитті жыныстардан құралған. Тау баурайында шыршалы арша өседі. Тау аралық ойпаңдарда қайыңды-көктеректі ормандар алып жатыр. 500 га аумақта шалғынды және далалық өсімдіктердің 300-ге жуық түрі анықталған. Оның 50-ге жуық түрі дәрілік. Жабайы раушан, шалғынды, долана, ырғай, қарақат кездеседі. Жатаған қызғалдақ пен Бектауата тиынтағы Қазақстанның Қызыл кітабына енгізілген. Қорғалған өсімдіктер қатарына Алтай қызғалдағы, Қазақстандық сарыбасшөп, торғайлық томағашөп, Кесслер таспашөбі, қазтамақ, ақ шеңгел, көкшіл құртқашаш, қара терек, төртқалқан жуантамыр, тікенді итмұрын, Виноградов талы, қызыл қойжелкек, казак (казацкий) аршасы, тасты қарақат, жасыл тұқымды долана, салбыраған тобылғы, ырғай жатады.

Қорықша аумағында сирек кездесетін аң – бессаусақты ергежейлі қосаяқ. Сонымен қатар қорықшада арқар мекендейді. Шөлдегі жасыл оазис көптеген құстардың мекені: олар түркептер, кәдімгі мысықторғай, алабұлбұл, сандуғаш, сұлыкеш, тасшымшықтар. Құстардан дала қыраны, жыланшы бүркіт, қарқұс, бүркіт, ителгі, лашын, сұр тырна, ақбас тырна, дуадақ, безгелдек, қарабауыр бұлдырық, ақбауыр бұлдырық, жануарлардан қазақстан архары, қарақұйрық және бессаусақты ергежейлі қосаяқ Қазақстанның Қызыл кітабына енгізілген. Сондай-ақ табиғатты және табиғи ресурстарды қорғау жөніндегі Халықаралық одақтың тізіміне енгізілген жануарлар түрлері де бар.[1]

Дереккөздер

[өңдеу | қайнарын өңдеу]
  1. АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5