Бенефис

Бенефис(фр. benefіc – пайда) – қатысушы актерлердің біреуінің пайдасы үшін қойылатын спектакль. Одан түскен қаржы түгелімен актердің (немесе актерлердің) пайдасына жүмсалады. Тұңғыш Бенефис 1735 ж. Францияда өтті де, біртіндеп барлық жерлерге тарады. Алғашқы кездері Бенефис актерге материалдық көмек үшін өткізіліп, кейіннен актердің жалақысын көбейтудің ресми емес әдісіне айналды. Актер Бенефисті театр сахнасында белгілі бір драматургиялық шығарманың кең таралуы үшін де өткізілген. Алайда Бенефиске негізінен кассаға көп ақша түсіретін пьесалар таңдап алынды. 1783 жылдан Ресейде қолданыла бастады. Бенефис КСРО-да өнер қызметкерлері кәсіподағының бүкілодақтық 5-съезінің (1925) қаулысымен өз күшін жойды. Қазақстанда ең алғашқы Бенефис 1994 ж. Қазақ академия драма театры сахнасында Х.Бәкееваның қатысуымен өткізілді. Содан бастап Бенефис өткізу дәстүрге айналды.