Берекет Бақытжанұлы Кәрібаев

Берекет Бақытжанұлы Кәрібаев
Туған күні	9 қаңтар 1964 (1964-01-09) (62 жас)
Туған жері	Ақеспе ауылы, Арал ауданы, Қызылорда облысы
Азаматтығы	Қазақстан
Ғылыми аясы	Қазақ хандығының тарихы
Жұмыс орны	Қазақ ұлттық университеті, Қазақ тарихы кафедрасының меңгерушісі
Ғылыми дәрежесі	тарих ғылымдарының докторы
Ғылыми атағы	ҚР ҰҒА академигі
Альма-матер	Қазақ ұлттық университеті
Ғылыми жетекші	Болат Ешмұхамбетұлы Көмеков
Несімен белгілі	Қазақ хандығының құрылу тарихы монографиясы

Берекет Бақытжанұлы Кәрібаев (9 қаңтар 1964, Ақеспе ауылы, Арал ауданы, Қызылорда облысы) — қазақстандық тарихшы, тарих ғылымдарының докторы (2010), профессор (2011), Қазақстан Республикасы Ұлттық ғылым академиясының академигі (2020). Қазақ хандығының тарихын зерттеуге елеулі үлес қосқан ғалым.

Өмірбаяны

Б.Б. Кәрібаев 1964 жылы 9 қаңтарда Қызылорда облысы, Арал ауданына қарасты Ақеспе ауылында дүниеге келген. 1971–1979 жылдары Ақеспе ауылындағы №80 Сарбасат сегізжылдық мектебінде оқып, үздік бітірді. Одан кейін Қызылорда политехникумында білім алды.

1983–1985 жылдары Кеңес әскері қатарында әскери борышын өтеді.

1985 жылы С.М. Киров атындағы Қазақ мемлекеттік университетінің (қазіргі әл-Фараби атындағы Қазақ ұлттық университеті) тарих факультетіне түсіп, 1990 жылы «тарихшы, қоғамтану пәндерінің оқытушысы» мамандығы бойынша үздік дипломмен тәмамдады. Сол жылы Қазақ ССР тарихы кафедрасына ассистент болып қабылданды.

Осы кафедрада ассистент, аға оқытушы, доцент, профессор сатыларынан өтіп, 2016 жылдан бастап Қазақстан тарихы кафедрасының меңгерушісі қызметін атқарып келеді.

1996 жылы академик Б.Е. Көмековтың жетекшілігімен «XV ғасырдың соңы – XVI ғасырдың алғашқы ширегіндегі Қазақ хандығының Мауереннахр билеушілерімен саяси қарым-қатынастары» тақырыбында кандидаттық диссертация қорғады. 1999 жылы доцент атағы берілді.

2010 жылы «Қазақ хандығының құрылу тарихы» тақырыбында докторлық диссертация қорғап, 2011 жылы профессор атанды.

2015 жылы Қазақ хандығының 550 жылдығын мерекелеуге арналған үкіметаралық комиссия құрамында жұмыс істеді.

2017–2019 жылдары әл-Фараби атындағы Қазақ ұлттық университетінде басқарушылық қызмет атқарды.

2012 жылы ҚР ҰҒА корреспондент-мүшесі, ал 2020 жылы толық академик болып сайланды.

2024 жылдың 9 қаңтарында әл-Фараби атындағы Қазақ ұлттық университетінде профессор Берекет Бахытжанұлы Кәрібаевтың 60 жылдық мерейтойына арналған халықаралық ғылыми-тәжірибелік конференция өткізді.Конференция «ХIII–ХVIII ғасырлардағы Отан тарихының өзекті мәселелері» тақырыбына арналды. Жиын барысында аталған кезеңге қатысты Қазақстан тарихының маңызды мәселелері мен соңғы зерттеу нәтижелері талқыланды.

Марапаттары

• «ҚР Білім беру ісінің үздігі» белгісі (1995)
• «Егемен Қазақстан» газетінің лауреаты (1998)
• «Кітап мәдениетін дамытуға қосқан үлесі үшін» алтын медалі (2015)
• «2015 жылғы ЖОО үздік оқытушысы» атағы
• «Құрмет» ордені (2016)
• «ҚР еңбек сіңірген қайраткері» (2021)
• «Жалаңтөс батыр», «Бұхарбай батыр» медальдары және басқа да мерейтойлық марапаттар

Ғылыми дәрежелері мен атақтары

• Тарих ғылымдарының кандидаты (1996)
• Тарих ғылымдарының докторы (2010)
• Доцент (1999)
• Профессор (2011)
• ҚР ҰҒА корреспондент-мүшесі (2012)
• ҚР ҰҒА академигі (2020)

Еңбектері

• Қазақ хандығының құрылу тарихы. – Алматы: 2014. – 520 б. ISBN 978-601-7174-51-4.
• Қазақ хандығының күшеюі. – Алматы: 2015. – 176 б. – Алматы: 2016. – 176 б. (қайта басылым).
• Қазақ хандары. – Алматы: 2015. – 40 б.
• XVI ғасырдың екінші жартысындағы Қазақ хандары. – Алматы: 2018. – 4 б. ISBN 978-601-04-3676-3.
• Қазақ хандары туралы зерттеулер (XV ғасырдың ортасы – XVIII ғасырдың басы). – Алматы: 2019. – 228 б.
• Керей хан. – Алматы: 2019. – 862 б.
• Жәңгір хан (XVII ғ. басы – 1652 ж.). – Алматы: 2019. – 640 б.
• Алтын Орда және Қазақ хандығы. – Алматы: 2022. – 11 б.
• Қазақ хандығының басқару институттары. – Алматы: 2020. – 20 б.
• Қазақстан (Қазақ елі) тарихы. Қазақстан XIII–XVIII ғғ. алғашқы ширегінде. 2-кітап. Оқулық. (ұжымдық еңбек, Кәрібаев Б.Б., Омарбеков Т., Нуртазина Н.Д. және т.б.) – Алматы: Қазақ университеті, 2016. – 306 б. ISBN 978-601-04-1634-5.
• Қазақстан (Қазақ елі) тарихы. 4-кітаптан тұратын оқулық. 2-кітап. (ұжымдық еңбек) – Алматы: 2016. – ISBN 978-601-04-1634-5.
• История Казахстана. 2-книга. (ұжымдық еңбек, 297 б.) – Алматы: 2018. ISBN 978-601-04-3651.
• История Казахстана (Қазақ елі). 1-книга. (ұжымдық еңбек, 360 б.) – Алматы: 2018. ISBN 978-601-04-3652-7.
• Орталық Азия көшпелілері өркениетінің тарихы. – Бірнеше томдық ұжымдық еңбек, 2015–2016 жж., 380 б., 268 б.
• Тәуелсіздіктің 25 аса маңызды оқиғалары. – Алматы: 2016. – 272 б. ISBN 978-601-7174-96-5.
• Тәуелсіздіктің 30 айшықты оқиғасы. – Алматы: 2021. – 244 б.