Беркли музыкалық колледжі
Беркли музыкалық колледжі (ағылш. Berklee College of Music) — 1945 жылы негізі қаланған, АҚШ-тың Бостон қаласында орналасқан жоғары музыкалық оқу орны.
Колледждің негізін қалаушы Лоуренс Берк бастапқыда оны өзінің ұстазы Иосиф Шиллингердің құрметіне «Шиллингер музыка үйі» (ағылш. Schillinger House of Music) деп атаған. Шиллингердің музыкалық-педагогикалық жүйесін ол өз оқуында негізге алмақ болған. 1954 жылы оқу орны едәуір кеңейтіліп, Берк оны өзінің ұлы Ли Берктың (ағылш. Lee Berk) құрметіне «Беркли музыка мектебі» деп қайта атады.
Беркли колледжінің ерекшелігі — оның заманауи, академиялық емес музыкалық бағыттарға мамандануы болып табылады. Бастапқы кезден бастап мұнда джаз музыкасы курсы оқытылып келді, ал 1971 жылы колледждің алғашқы құрметті докторы ретінде Дюк Эллингтон тағайындалды. Колледждегі негізгі мамандықтардың қатарына кино музыкасы және авторлық ән жазу (ағылш. songwriting) кіреді. Сондай-ақ оқу бағдарламасында банджо, мандолина, қол перкуссиясы сияқты аспаптар да бар. 1999 жылы хип-хоп бағыты бойынша арнайы оқу курсы ашылды.
Беркли колледжінің түлектерінің арасында Стив Вай, Джон Скофилд, Майк Штерн, Джон Петруччи, Эл Ди Меола, Куинси Джонс, Говард Шор, Рамин Джавади, Чарли Пут, Уэйн Сермон, Пак Бом және тағы басқа көптеген танымал музыканттар бар[1][2].
Колледж президенттерінің тізімі
[өңдеу | дереккөзін өңдеу]| No. | Президент | Мерзімі |
|---|---|---|
| Founder | Лоуренс Берк | 1945–1979 |
| 2 | Ли Элиот Берк | 1979–2004 |
| 3 | Роджер Х. Браун | 2004–2021 |
| 4 | Ерика Мухл | 2021–2023 |
| - | Дэвид Боген | 2023–2024 (interim) |
| 5 | Джим Лучези | 2025– |
Дереккөздер
[өңдеу | дереккөзін өңдеу]- ↑ Lazar, Kay. Berklee let teachers quietly leave after alleged sex abuse, and pushed students for silence (November 8, 2017).
- ↑ Music school to hold forum after sex misconduct report, Townhall.com (November 13, 2017).