Берік Мырзалыұлы Жүсіпов

Уикипедия — ашық энциклопедиясынан алынған мәлімет
Jump to navigation Jump to search

Берік Мырзалыұлы Жүсіпов (1970 жыл, Қызылорда облысында дүниеге келген) - Әнші, жыршы. Мемлекеттік «Дарын» жастар сыйлығының иегері.

1970 жылдың 7-інші наурызында Қызылорда облысы Арал ауданы, Ақбасты елді мекенінде дүниеге келген. Анасы - Ұлмекен Еркеғұлқызы (1928-2002) жайсаң жан.Ә кесі - Мырзалы Жүсіпұлы (1922-1998) Отан үшін от кешкен батыр. Соғыстан 1 қолы мен 1 аяғынан жарақат алса да өмір қиындығына төтеп бере білген. Осындай отбасында дүниеге келген Берік Жүсіпов - бүгінде доцент, фольклортанушы ғалым, эпикалық жыршылық, орындаушылық үрдістің көрнекті өкілі. Құрманғазы атындағы Алматы мемлекеттік консерваториясын 1987–1995жж аралығында оқып, кейін Ж. Елебеков атындағы эстрада-цирк колледжінде мұғалім қызметін атқарған. Сонымен қатар, Халық әні кафедрасының меңгерушісі, «Жетісу» АҚ да, «Тайқазантехносервис» ЖШС де менеджер, Қызылорда облыстық мәдениет басқармасының бастығы, «Қазақстан халқының рухани даму қоры» АҚ-ның вице-президенті, қызметтерін атқарған. 200-ге жуық ғылыми-танымдық мақалалардың, «Мырзастағы жыр мектебі» (1991), «Жиделі-Байсын күйлері» (2000) «Күретамыр», «Жырдария», «Ойтұмар» (2009), Сүлейлер» (2010), «Адырна» (2011) атты кітаптардың авторы. «Қазақтың қаһармандық эпосы – Қобыланды батыр» монографиясы (2003), Тұрмағамбет Ізтілеуұлы шығармалары (2007), Базар жырау Оңдасұлы шығармалары (2008) ғылыми басылымдарының құрастырушысы, редакторы. «Сыр сүлейін сұрасаң» (2008), «Қайталанбас дауыстар» (2011), «Қазақстандағы этностардың музыкалық мұралары» (қазақ, орыс, ағылшын тілдерінде, 2015) музыкалық антологияларының авторы, ғылыми-танымдық, көркем қойылымды «Жырау» (2011), «Қаһарман» (2014) фильм-портрет жобаларының жетекшісі. Бірнеше мәрте халықаралық конкурстарының жеңімпазы. Студент шағында «Жігер» фестивалінің лауреаты атанған. 2000 жылы «Дарын» мемлекеттік жастар сыйлығының және халықаралық Түріксойдың «Мұрагер» сыйлығының лауреаты. 2011 жылы Ресей Федерациясы Мәдениет министрінің, 2012 жылы Қазақстан Республикасы Президентінің «Құрмет» грамоталарымен марапатталған. Германия, Америка, Франция, Голландия, Бельгия, Түркия, Қытай, Иран, Ресей, Қырғызстан, Өзбекстан сияқты алыс-жақын шет елдерде гострольдік сапарлармен лекция беріп, ғылыми конференцияларға қатысқандықтан өнері мен ғылыми жұмыстары Қазақстаннан тыс аймақтарға да белгілі. Консерваторияның бірінші курсында оқып жүрген 1990 жылы «Жыр күмбезі» атты алғашқы күйтабағы жарық көрді.

  • Құрманғазы атындағы Қазақ ұлттық консерваториясын тәмамдаған.
  • Бірнеше ғылыми мақалалар мен монографиялардың авторы.
  • Б. Жүсіпов–ҚР ҒА М. Әуезов атындағы Әдебиет және өнер институтының докторанты.[1]

Дереккөздер[өңдеу]

  1. "Қазақтың дәстүрлі 1000 әні", EL production company, Co.Ltd 2010

Сыртқы сілтемелер[өңдеу]