Берік Ыбырашұлы Қорқытов

Уикипедия — ашық энциклопедиясынан алынған мәлімет
Jump to navigation Jump to search

Берік Ыбырашұлы Қорқытов (2.2.1928 ж.т., Атырау қаласы) - жазушы, драматург. Қаз¥У-ды бітірген (1951). 1942 - 70 жылдары Атырау облысы "Социалистік құрылыс" (қазіргі "Атырау") газетінде әдеби қызметкер, бөлім меңгерушісі, жауапты хатшы. 1970 - 89 ж. Қазақстан Жазушылар одағының Атырау облысындағы әдеби кеңесшісі болған. Алғашқы пьесасы "Асыл жандар" Атырау облысы театрының сахнасында қойылған. "Исатай" (1962), "Ақбөбек" (1966), "Біз Жетісуданбыз" (1969), "Жайық таңы" (1977), "Ақылшы аға" (1976), "Кіндік шеше" (1978), "Соқыр ішек" (1985), "Алтын айдар", "Құдірет", т.б. драм. шығармаларын, "Жарайсың, шалым", "Кіндік шеше", "Жарайсың бажа", "Жарайсың, бозторғайым" комедияларын жазған. Эстон жазушысы Э.Раннеттің "Адасқан ұл" (1959), грек жазушысы А.Парнистің "Афродита аралы" (1961), өзбек жазушысы Ш.Башбековтің "Шойын қатын" (1990), Н.Доризоның "Яков Джугашвили", Н.Абрамцеваның "Қарлыгүл шақырады" пьесаларын, сондай-ақ, М.А. Шолоховтың, Г.Рыклиннің бірнеше әзіл-сықақ әңгімелерін қазақ тіліне аударған. Пьесалары Шымкент, Жетісай, Торғай, Орал, Атырау облысы театрлары сахналарында қойылып жүр. Қаламгер драматургия жанрымен бірге қазақ баспасөзінің тарихымен, Атырау өңірі ақындарының, билерінің, батырларының тарихымен айналысып, зерттеу еңбектерін жариялады. "Атыраудың билері мен батырлары", "Сырымның шешендік сөздері", "Мақаштың шешендік сөздері" кітаптары жарық көрген.[1]

Дереккөздер[өңдеу]

  1. Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010.ISBN 9965-26-096-6