Берік Ұзақбайұлы Молжігіт

Берік Ұзақбайұлы Молжігіт (6.06.1952 жыл, Батыс Қазақстан облысы Сырым ауданы Тасқұдық кентінде туған) - Қазақстанның Құрметті сәулетшісі (2009).

Өмірбаяны

Әкесі - Дошекенов Ұзақбай (1933-1991). Анасы - Дошекенова Мынауара (1933-2002).

• 1969 жылдан - Алматы көркемсурет училищесінің студенті.
• 1973 жылдан - Кеңес Әскерінің қатарында қызметте.
• 1978 жылдан - КСРО Көркемөнер академиясы жанындағы И. Репин атындағы Архитектура, мүсін және кескіндеме институтының студенті. КСРО Көркемөнер академиясы жанындағы И. Репин атындағы Архитектура, мүсін және кескіндеме институтының архитектура факультетін (1984) сәулетші-суретші мамандығы бойынша бітірген.
• 1984 жылдан бері - «Алматыгипрогор-1» жобалау институтының архитектуралық-құрылыс 1-бөлімінің сәулетшісі, жетекші сәулетшісі, сәулетшілер тобының жетекшісі, бас жобалар сәулетшісі, бастығы.

Келесі объектілердің авторы

• Алматы қаласындағы партия облыстық комитетінің ғимараты
• «Думан» ықшам ауданындағы 1 000 орындық мектеп
• Алматы қаласы әуежайындағы жолаушылар терминалының жаңа ғимараты
• Алматы қаласындағы әкімшілік-тұрғын кешені
• Астана қаласындағы «Керуен» сауда-ойын сауық орталығы
• Тараз қаласындағы Қабылдау үйі.

Қоғамдық қызметі

• ҚР Сәулетшілері одағының мүшесі (1987)
• ҚР Суретшілері одағының мүшесі (2009).

Жетістіктері

• ҚР Индустрия және сауда министрлігінің Құрмет грамотасымен марапатталған (2006).
• Дүниежүзілік архитектура биенналесінің дипломанты (София қ., 1989, 2009).
• Қазақстанның Құрметті сәулетшісі (2009).

Отбасы

• Үйленген. Жұбайы - Молжігітова Шара (1955 ж. т.), бухгалтер.
• Ұлы - Молжігіт Жалғас Берікұлы (1987 ж. т.), студент (Англия).