Бестөбе алтын кен орны

Уикипедия — ашық энциклопедиясынан алынған мәлімет
Навигацияға өту Іздеуге өту

Бестөбе алтын кен орны
52°29′41″ с. е. 73°07′04″ ш. б. / 52.49472° с. е. 73.11778° ш. б. / 52.49472; 73.11778 (G) (O) (Я)Координаттар: 52°29′41″ с. е. 73°07′04″ ш. б. / 52.49472° с. е. 73.11778° ш. б. / 52.49472; 73.11778 (G) (O) (Я) (T)
Ел Қазақстан
АймақАқмола облысы
Ашылған уақыты1931 жыл
Бестөбе алтын кен орны (Қазақстан)
Бестөбе алтын кен орны
Бестөбе алтын кен орны (Ақмола облысы)
Бестөбе алтын кен орны

Бестөбе алтын кен орныАқмола облысының Ерейментау ауданында орналасқан. Көне қазбалардың ізімен 1931 жылы ашылған. 1932 жылдан осы уақытқа дейін кен өндірілуде.

Геологиялық құрылымы[өңдеу | қайнарын өңдеу]

Бұл желілі кен орны (150-ден астам желілер) орта ордовик қабаттарының грабен-синклиналь құрып иілген жерінде жатыр. Интрузивтік жыныстар (габбро-диориттер, диориттер, кварцты-диориттер) шток тәрізді екі массив — батыс және шығыс массивтерін құрайды. Батыс массивтегі березиттелген магматогендік женттастан тұратын шток тарамдалып, жеке кен денесін құрады.

Жатыс сипаты[өңдеу | қайнарын өңдеу]

Кен денесінің жазықтықтағы қимасының өлшемі 100-150 м, ондағы алтын мөлшері 5,7 г/т. Желілердің морфологиясы күрделі келеді, кейде олар ұсақ тарамдалып кетеді. Бұлардың ішінде балансты кендердің негізгі қорлары кварцты-желілі типті кентастарда шоғырланған, олардың құрамындағы алтынның мөлшері өте жоғары (20-30 г/т), кейбір жерлерде бірнеше кг-ға жетеді. Бестөбе алтын кені орнынан 1932 жылдан осы уақытқа дейін барлығы 115 т алтын өндірілді. Кен орнын Қазақалтын акционерлік қоғамының Бестөбе кеніші игеруде.[1]

Дереккөздер[өңдеу | қайнарын өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том