Бесінбай қорымы
Бесінбай қорымы – Республикалық маңызы бар тарих және мәдениет ескерткіштерінің мемлекеттік тізіміне енген ХVII-ХIХ ғасырлардағы сәулет ескерткіші.
Орналасқан жері
[өңдеу | қайнарын өңдеу]Маңғыстау облысы Түпқараған ауданы, Форт-Шевченко қаласынан шығысқа қарай 25 км биік төбе үстінде орналасқан.
Қорым сипаты
[өңдеу | қайнарын өңдеу]Қорым №2 күмбезтам әкті-құмтастың араланған тақта тастарынан, басты қасбеттері портал түрінде қаластырылған бірнеше сағанатамдардан (81 бірлік) тұрады.
Қалау жұмыстарында саз балшық пайдаланылған. Күмбезтам күмбездерінің қаланды қатарының бірінің үстіне бірі жіберілу түріндегі жалған төбе әдісімен, ара-арасында шала өңделген тақта тастардан қаластырылған. Күмбез пішіні кейінгі қашау және тегістеудің немесе әкті-құмтастың араланған тақта тастарымен қаптаудың көмегімен келтірілген.
Араланған тақта тастармен қапталған құрылыстардың қасбеттері белдіктер және қуыс түріндегі бедерлі сәндеуге, сонымен қатар өрнектік суреттер сұлбалы оюланып, көркем етіп боялған. Қасбеттер қабырғалары және интерьерлер сонымен қатар жылқыларды, қарулы адамдарды, ыдыс-аяқты бейнелейтін сурет-граффитилермен сәнделген. Зираттың қойтас және құлпытас түріндегі қабіртастары оюлардың жоғарғы көркем суреттелігімен ерекшеленіп, мұндағы жергілікті тас өңдеу өнерінің дәстүрлі мектебі болғанын айғақтайды.
Мұнда Жаңай ауылының кісілері қойылған.[1]
Дереккөздер
[өңдеу | қайнарын өңдеу]- ↑ М19 Қазақстан Республикасының тарихи-мәдени ескерткіштерінің жинағы. Маңғыстау облысы. - Өскемен: AsT prime, 2012. - 600 бет. ISBN 978-601-06-2031-5
| ||||||||||||||||||
