Бесінші шақырылған КСРО жоғарғы кеңесінің мәжілістері (кітап)

Уикипедия — ашық энциклопедиясынан алынған мәлімет
Навигацияға өту Іздеуге өту

Бесінші шақырылған КСРО жоғарғы кеңесінің мәжілістері - Мәскеудегі КСРО Жоғарғы Кеңесінің баспасынан 1960 жылы орыс тілінде жарық көрген кітап.

1960 жылы 14-15 қаңтарда КСРО Жоғарғы Кеңесі Одақ Кеңесінің 4-сессиясы болып өтті. Бұл еңбекте осы сессияның стенограф, есебі берілген. Сессияда «Қарусыздану - бейбітшілікті нығайтудың және халықтар арасындағы достықты қамтамасыз етудің жолы» атты баяндама тыңдалып, онда халықаралық жағдайда қалыптасқан кейбір мәселелер жайында, жалпы және толық қарусыздану жөнінде ұсыныстар айтылып, депутаттар алдында талқыға салынды. Осыған байланысты 33 депутат сөз алып, әлемде қалыптасқан халықаралық жағдайға байланысты ойларын білдірді.

1960 жылы 15 қаңтарда болған үшінші мәжілісте Қазақ КСР Гурьев сайлау округінен сайланған депутат Қаныш Сәтбаевқа сөз беріліп, онда ол Кеңес үкіметінің жаңа бейбітшілік бастамасын толық қолдайтынын білдіріп, Қазақстандағы тың жерлердің игерілуін, геологиялық зерттеулердің барысын, пайдалы қазбалар мен мұнай, газдың қорын, халық шаруашылығының, қара, түсті металлургия, химия және машина-құрылыс өнеркәсібі, «Ертіс-Қарағанды каналы» жағдайын баяндады. Мәжіліс соңында КСРО Қарулы Күштерін қысқарту жөнінде заң қабылданып, КСРО Жоғарғы Кеңесінің бүкіл әлем мемлекеттерінің парламенттері мен үкіметіне арналған үндеуі жарияланды. Кітап көлемі 13 баспа табақ.[1]

Дереккөздер[өңдеу | қайнарын өңдеу]

  1. Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8