Беттестіру имараттары

Уикипедия — ашық энциклопедиясынан алынған мәлімет
Навигацияға өту Іздеуге өту

Беттестіру имараттарыбөгет денесін табанымен (іргетасымен), жағамен және жалғанатын бетонды имараттармен жымдастыру кезінде бөгет денесі мен табанының судың сүзілу процесі болмайтындай болып қабысуы және гидротехникалық имараттың статикалық тұрақтылығы қамтамасыз етілуі; судың бөгет денесінен сүзіліп шыгу өтімі белгіленген рауалы шектен артпауы тиіс. Бөгет денесінің табаны мен іргетасының барынша жымдасуы үшін сол жердегі грунттың сипаты мен іргетас айналасындагы грунт жағдайы есепке алынады немесе бөгет астында шұңқыр қазу шаралары жүргізіледі. Бөгет денесі беткейінің өзен арнасымен қабысуы көлбеу жазыктықпен жүргізіліп, тегістеу кезінде мүмкіндігінше қисық сызықты жазықтықта болмауы тиіс және жаға бетіндегі сүзілуге қарсы элементінің көрші теліммен жалғасуындағы көлбеу бұрышының өзгеруі 10 градустан артпауы қажет. Бөгет денесі табанымен (іргетасы) және жағамен табан грунтының сипаты және имараттың ерекшелігі есепке алынып қабыстырылады. Грунтсыз материалдардан жасалған диафрагмалар мен экрандарды бетонды имаратпен қабыстыру су өткізбейтін майысқақ материалмен орындалады. Грунттық бөгет пен бетонды имарат тығыз қабысуы үшін оның айнала бетімен қабысатын аймағы 10:1 еңістіктен жоғары болмауы тиіс. [1]

Дереккөздер[өңдеу | қайнарын өңдеу]

  1. Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.