Бибіқадиша Сансызбайқызы Жорабекова

Бибіқадиша Сансызбайқызы Жорабекова – Желтоқсан көтерілісіне қатысқан қазақ жастарының бірі.

1968 жылы 10 мамырда Түркістан облысы, Созақ ауданы, Шу ауылында дүниеге келген. Орта мектепті бітіргеннен кейін Қазақ педагогикалық институтына оқуға түседі. 1986 жылы аталған институттың физика-математика факультетінің 2 курсында оқыған. Желтоқсан көтерілісіне қатысқаны үшін оқудан шығарылған.

Қазір Ордабасы ауданына қарасты «Бөген» ауылындағы Б.Кенжебаев атындағы орта мектептің математика және информатика пәнінің мұғалімі қызметін атқарады.