Бикен Ырымқызы Римова

Уикипедия — ашық энциклопедиясынан алынған мәлімет
(Бикен Римова бетінен бағытталды)
Навигацияға өту Іздеуге өту
Бикен Римова
Сурет
Жалпы мағлұмат
Туған күні

1 қаңтар 1923 (1923-01-01)

Туған жері

Қанабек, Қаратал ауданы, Алматы облысы, РКФСР, КСРО

Қайтыс болған күні

6 қаңтар 2000 (2000-01-06) (77 жас)

Қайтыс болған жері

Алматы, Қазақстан

Азаматтығы

 Қазақстан
 КСРО (1923-1991)

Мамандығы

актриса

Бикен Ырымқызы Римова (1 қаңтар 1923 жыл, қазіргі Алматы облысы Қаратал ауданы Қанабек а. — 6 қаңтар 2000 жыл, Алматы) — актриса, Қазақ КСР-інің халық артісі (1966).

Өмірбаяны[өңдеу | қайнарын өңдеу]

Бикен Римова театрды бала кезінен ұнатқан. Ол драмалық үйіпмелерге қатысып, олимпиадаларда жүлделі орындарға ие болған. М.Әуезов атындағы Қазақ мемлекеттік академиялық театрының болашақ әртісіне Қалибек Қуанышбаев, Күләш Бәйсейітова, Құрманбек Жандарбеков сияқты қазақ драмалық өнерінің шеберлері көп әсерін тигізді. 1943 жылы Алматы театр уч-щесін бітірген. 1940 жылдан өмірінің ақырына дейін Қазақтың мемл. академ. драма театры (Алматы) труппасында қызмет етті.

Ойнаған рольдері[өңдеу | қайнарын өңдеу]

Тұңғыш ойнаған рөлі – Ғ.Мүсіреповтің “Ақан Сері - Ақтоқты” трагедиясындағы Мәрзия (1942). Актриса кезінде

  • Сәуле (Ә.Әбішев, “Достық пен махаббат”, “Күншілдік”),
  • Фарида (Ә.Тәжібаев, “Жалғыз ағаш орман емес”),
  • Қамаш (М.Иманжанов, “Менің махаббатым”),
  • Ғайни (Т.Ахтанов, “Күтпеген кездесу”), т.б. рөлдерді орындап, қазақ сахнасында замандастар образын жасауға елеулі үлес қосты.
  • Еңлік (М.Әуезов, “Еңлік-Кебек”),
  • Зылиха, Меңсұлу (Ш.Хұсайынов, “Сырымбет саласында” және “Алдар Көсе”),
  • Сарыжорға (С.Жүнісов, “Ажар мен ажал”),
  • Күнікей (Мүсірепов, “Қозы Көрпеш — Баян сұлу”),
  • Зейнеп (М.Әуезов пен С.Соболев, "Абай"),
  • Жаңыл, Жер-Ана (Ш.Айтматов, “Аңсаған менің әнімсің” мен “Ана — Жер-Ана”, соңғы спектакльдегі рөлі үшін Қазақ КСР-і Мемлекеттік сыйл., 1966),
  • Жиіан (Ж.Файзи, “Башмағым”),
  • Бостан, Күмри (С.Ахмад, “Келіндер көтерілісі” мен “Күйеу”),
  • Сидзе (М.Каору, “Шығыстағы бір бейбақ”),
  • Донна Эльвира (М.Фриш, “Дон Жуанның думаны”), т.б. рөлдерде ойнады.

Кино саласындағы рольдері[өңдеу | қайнарын өңдеу]

1955 жылдан киноға түсіп

  • "Тақиялы періште"
  • "Менің атым - Қожа"
  • “Өжет қыз”
  • “Ана туралы аңыз” (1964)
  • “Там-там үні” (1968)
  • “Ұлдың оралуы” (1977)
  • “Ай астындағы үй” (1983)
  • көп сериялы “Тоғысқан тағдырлар” телефильмінде (1996 — 1999), т.б. фильмдерде елеулі рөлдер жасады.

Жазған шығармалары[өңдеу | қайнарын өңдеу]

  • “Абай – Әйгерім” (Әуезовтің “Абай жолы” романы бойынша, 1979)
  • “Қос мұңлық” (1991) атты драм. шығарма

ұстаздары мен сахналас серіктері туралы “Өнердегі өнегелі өмірлер” (1997) кітабын жазды.

Есте сақтау[өңдеу | қайнарын өңдеу]

  • Актриса есімі Талдықорғанның қазақ драма театрына (2000) берілді.

Марапаттары[өңдеу | қайнарын өңдеу]

  • “Құрмет белгісі” орденімен және медальдармен марапатталған[1] [2][3][4][5][6]

Дереккөздер[өңдеу | қайнарын өңдеу]

  1. ↑ .Құндақбаев Б., Нұрпейісов К., М. Әуезов атындағы Қазақ мемлекеттік академиялық драма театрына 40 жыл, А., 1966;
  2. ↑ Бикен Римова, А., 2001.
  3. ↑ Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9
  4. ↑ Саяси түсіндірме сөздік. – Алматы, 2007. ISBN 9965-32-491-3
  5. ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
  6. ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том
Осы мақала қазақ мәдениеті туралы бастама болып табылады. Бұны толықтырып, дамыту арқылы, Уикипедияға көмектесуіңізді сұраймыз.
«https://kk.wikipedia.org/w/index.php?title=Бикен_Ырымқызы_Римова&oldid=2703019» бетінен алынған