Биологиялық ғылыми қоғамдар

Уикипедия — ашық энциклопедиясынан алынған мәлімет
Jump to navigation Jump to search

Биологиялық ғылыми қоғамдар , биология ғылымының жеке салалары бойынша ғылыми-зерттеу жұмысын жүргізетін ғалымдардың қоғамдық ерікті бірлестіктері. Биологиялық ғылыми қоғамдардың негізгі міндеттері: әрбір мамандық бойынша жүргізілетін зерттеулерді үйлестіріп отыру, ақпарат алмасу, мамандардың білімін жетілдіру, ғылыми еңбектерді жарыққа шығару, ғылыми зерттеулер нәтижесі мен жаңалықтарды өндіріске енгізуге көмектесу, конференция, симпозиумдар өткізу, шет ел ғалымдарымен әріптестік байланыс жасау.

Қазіргі уақытта Қазақстанда мынадай биологиялық ғылыми қоғамдар бар:

1)Ботаникалық қоғам 1948 ж. Бүкілодақтық ботаникалық қоғамның құрамында Қазақ бөлімшесі болып құрылды.

  • 1995 ж. жеке Қазақстан ботаникалық қоғамы (ҚБҚ) болып қайта құрылды.
  • 1997 ж. Алматыда Орталық Азия мемлекеттерінің Ботаникалық бақтар жөніндегі конференциясы және Ботаникалық бақтардағы жұмыстың ақпараттық жүйесін жасау жөнінде халықаралық семинары өткізілді. Қоғамға 300 адам мүше. Президенті — биология ғылымдарының докторы С. Әбиев.

2)Генетиктер мен селекционерлер қоғамы 1967 ж. Бүкілодақтық генетиктер және селекционерлер қоғамының Қазақ бөлімшесі болып құрылған. Осы уақытқа дейін қоғам 7 съезд өткізді. Қоғам мүшелерінің саны — 500 (президенті — Қазақстан Ғылым Академиясының корреспондент мүшесі М.Шығаева).

3)Зоологиялық қоғам 1993 ж. Қазақстан және Орта Азия зоология қоғамы болып құрылды. Қоғамды 11 мүшесі бар төралқа басқарады. Мұнда зоология және паразитология секциялары бар. Осы қоғамның жанынан “Selevіnіa” ғылыми журналы шығады. Қоғам мүшелерінің саны — 150 (президенті — биология ғылымдарының докторы, Қазақстан мемлекеттік сыйлығының лауреаты А.Ф. Ковшарь).

4)Топырақтанушылар қоғамы 1954 ж. Бүкілодақтық топырақтанушылар қоғамының Қазақ бөлімшесі болып құрылған.

  • 1990 ж. жеке Қазақстан топырақтанушылар қоғамы (ҚТҚ) болып қайта құрылды. 4 жылда 1 съезд шақырылады.
  • 1996 ж. Қазақстан ылым Академиясының корреспондент мүшесі О. Оспановтың туғанына 90 жыл толу құрметіне,
  • 1998 ж. “Қазақстан топырағының күйі және оны тиімді пайдалану” тақырыбына ғылыми конференциялар өткізді. Қоғам мүшелерінің саны — 150 (президенті — Қазақстан Ғылым Академиясының корреспондент мүшесі Ж. Аханов).

5)Физиологтар қоғамы 1938 ж. Бүкілодақтық физиология қоғамының Қазақ бөлімшесі болып құрылған.

  • 1992 ж. жеке Қазақстан физиологтары қоғамы (ҚФҚ) болып қайта құрылды. Физиологтар қоғамының облыстық бөлімшелері Астанада, Ақтөбеде, Қарағандыда, Өскеменде, Семейде, Шымкентте бар. 3 жылда 1 рет съезд шақырылады. Қоғам 1998 ж. Халықаралық физиология ғалымдары ассоциациясына мүше болып қабылданды. Қоғам мүшелерінің саны — 220 (1998, президенті — Қазақстан Ғылым Академиясының академигі Қ. Тәшенов).[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том