Биотелеметрия

Уикипедия — ашық энциклопедиясынан алынған мәлімет
Jump to navigation Jump to search

Биотелеметрия (био… және грек. tle — алыс және metr— өлшеу) — түрлі биологиялық құбылыстар мен процестер көрсеткіштерін қашықтан өлшеу тәсілі. Биотелеметрия кезінде зерттелетін организмге (адам немесе жануар) биологиялық немесе физиологиялық процестер (қозғалу, тамыр соғуы, тыныс алуы, т.б.) туралы ақпаратты радио, теледидар және телефон байланысы арқылы білдіретін арнайы датчиктер орнатылады. Биотелеметрия тәсілін қолдану зерттеуді үлкен қашықтықтан (мысалы, ғарыштық кемеден немесе зерттелетін объектінің қозғалысы кезінде, спорттық жарыста, жұмыс кезінде) жүргізуге мүмкіндік береді. Аса кішкене радиотаратқыштарды (радио капсулдарды) ішкі органдар (асқазан, ішек) қуысына немесе организм тініне орналастыру арқылы ондағы болып жатқан процестер туралы ақпарат алуға болады.[1]

Дереккөздер[өңдеу]

  1. Орысша-қазақша түсіндірме сөздік: Ғылымтану. Жалпы редакциясын басқарған э.ғ.д., профессор Е. Арын- Павлодар: ҒӨФ «ЭКО», 2006 жыл. - 430 б. ISBN 9965-808-78-3