Биотехния
Биотехния (био... және грек. techne — жасай білу, шеберлік) — жабайы аңдардың санын көбейтіп, оларды қорғаудың жолын іздестіру, аңдардан алынатын өнімнің сапасын жақсарту мақсатында зерттеулер мен іс-тәжірибелік шараларды жүзеге асыратын аң шаруашылығының бір саласы. Биотехниялық шараларға аң аулайтын жерлерге, су тоғандарына мал азықтық дақылдарды өсіру, азық тапшы болғанда жануарларды үстеп қоректендіру, оларды сыртқы ортаның қолайсыз жағдайларынан қорғау (мысалы, жануарларды тасалау мақсатында ағаш, бұта отырғызу, биік сабақты шөп егу, күрке, үйшік, ондатр індері үшін үйме жасау, т.б.), жұқпалы аурулардан сақтандыру (індет ауруларына қарсы вакцина егу), кәсіптік жануарлардың тұқымын асылдандыру үшін селекциялық жетістіктерді іске асыру, саны азайып, жойылып бара жатқан түрлерді қайтадан қалпына келтіру және басқа елдерден құнды жануарларды әкеліп, жерсіндіру жұмыстары жатады. Биотехниялық жұмыстар қорықтарда, аңшылық-қорық шаруашылықтарында, табиғи саябақтарда жүргізіледі. Биотехниялық шаралар агроценозда қалыптасқан табиғи жүйелерге күрт өзгеріс әкелмейді.[1]
Дереккөздер[өңдеу | қайнарын өңдеу]
- ↑ Орысша-қазақша түсіндірме сөздік: Ғылымтану. Жалпы редакциясын басқарған э.ғ.д., профессор Е. Арын- Павлодар: ҒӨФ «ЭКО», 2006 жыл. - 430 б. ISBN 9965-808-78-3
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |