Биші шақшақай

Биші шақшақай – шақшақайлардың ішіндегі ең көп және кең таралған түрі. Кәдімгі шақшақайдан шамалы ғана ірі (салмағы 25-36 г), тұмсығы ұзын, құйрығы қысқа. Аталығы мен аналығы бір түсті: қауырсындары жоғарғы жағынан бірыңғай қоңыр, төменгі жағы құла-сұр түсті. Құйрық үсті ақ түсті, құйрығының ұшындағы қара жолағы жалпақтау. Қылығы шақшақайдыкі, әні әртүрлі, биші болғандықтан – біздің құстардың ішіндегі ең қылжақбасы. Ол өз әндерінде кімнің әнін салмайды десеңші: атақты бөдененің әнінен есектің айғайы мен түйенің боздауына дейін салады. Құйрық қауырсындарын керіп, қанаттарын жайып, төмен баяу түсіп, ұшып жүріп әндетеді. Кейде өзіндік күйлеу биін билейді, сондықтан осындай атқа ие болған. Сарышұнақ, суыр, құмтышқан індерін ұялайды, сөйтіп олардың бүргелерін қоректендіреді. Сондықтан кейбір қауіпті аурулар таралуына сепепші болады.