Би джи Қазақстан

“Би джи Қазақстан” компаниясы – “Би Джи Групп” халықаралық жетекші энергетикалық компаниясының құрамына кіретін кәсіпорын. Оның қызметі табиғи газ өндірісінің толық циклімен байланысты. “Би Джи Групп” нарықтарды зерделеумен, қалыптастырумен және бүкіл дүние жүзіне газ жеткізумен айналысады. Оның қызметінің негізгі бағыттары – көмірсутекті шикізатты барлау және өндіру, сұйытылған табиғи газ өндіру, оны тасымалдау және тарату, электр энергиясын өндіру. “Би Джи Групп” – Қазақстанның шикізат әлуетіне мүдделілік танытқан алғашқы батыс компанияларының бірі. Қазақстан – компания қызметінің негізгі алты географиялық аймағының бірі. 1990 жылдардың басынан бері компания біздің мемлекетіміздің мұнай-газ өнеркәсібінде жетекші орын алып отыр және бүгінгі таңда Британияның біздің елдегі аса ірі инвесторы болып табылады. Ол “Эни” компаниясмен бірге Қазақстанның алып мұнай-газ конденсат кеніші – Қарашығанақты игеруге қатысуда. Компанияның бұл жобадағы үлесі 32%-ды құрайды. Қарашығанақ кенішін игеру ұлттық экономикаға айтарлықтай пайда әкеледі, халықарадлық тәжірибе алысуды, экологиялық таза өндірісті, сондай-ақ ұзақ мерзімді жұмыс орындарын қамтамасыз етеді. Компания Қазақстан мұнайын әлемдік нарыққа жеткізуші Каспий құбыр желісі консорциумы акционерлерінің қатарына (2%) кіреді.