Бластодермалық көпіршік

Уикипедия — ашық энциклопедиясынан алынған мәлімет
Jump to navigation Jump to search

Бластодермалық көпіршік (бластоциста, стерробластула) — іші қуыс, пішіні көпіршікке ұқсас сүтқоректі жануарларға тән ұрық. Бластодермалық көпіршіктің майда бластомерлерден құралған ақшыл сыртқы қабығын - трофобласт (грек, trophe — қоректену; blastos — өскін), ал ішінде орналасқан ірі күңгірт бластомерлерден түзілген ұрық түйінін — эмбриобласт (грек, embrio — ұрық; blastos — өскін) деп атайды. Эмбриобласт бластомерлерінен (ұрық жасушаларынан) ұрықтың денесі мен ұрық қабықтары (амнион, аллантоис, хорион, сарыуыз қапшығы) дамиды. Трофобластэмбриобластты, яғни ұрық түйінін жатыр қабырғасындағы бездер бөлген сәл құрамындағы қоректік заттармен қамтамасыз етеді.[1]

Дереккөздер[өңдеу]

  1. Биоморфология терминдерінің түсіндірме сөздігі/ - Алматы: "Сөздік-Словарь", 2009. ISBN 9965-822-54-9