Бобо (халық)

Бобо
Бүкіл халықтың саны
920 000
Ең көп таралған аймақтар
Буркина-Фасо	600 000
Мали	220 000
Кот-д’Ивуар	100 000
Тілдері
бобо тілі, марка-дафин тілі
Діні
дәстүрлі наным-сенімдер

Бобо — Буркина-Фасо (600 мың адам), сондай-ақ Мали (220 мың адам) және Кот-д’Ивуарда (100 мың адам) тұратын халық. Жалпы саны 920 мың адам.

Тілі

Тілі - бобо тілі. Көптеген боболар екінші тіл ретінде дьула немесе марка-дафин тілінде сөйлейді.

Діні

Дәстүрлі наным-сенімдерді ұстанады, католиктік христиандар бар, зара субэтникалық тобы сүнниттік мұсылмандар.

Кәсібі

Негізгі кәсібі қолмен атқарылатын егіншілік (тары, құмай, бұршақ, жүгері, күнжіт, ши ағашы, жержаңғақ, тәтті картоп, маниок). Ұсақ мал, тауық, теңіз құстары, шошқа өсіріледі.

Өмір салты

Отбасы үлкен, патрилинейлік негізінде матрилинейлік элементтері бар құрылым қалыптасқан (әпкесінің баласына мұраға қалған мал, қару-жарақ, киім-кешек). Неке патрилокальды, маңызды рөлді анасының ағасы атқарады. Көп әйел алу жиі кездеседі. Үлкен туыстас топтар тән - мүшелері ортақ тотемдік тыйымдармен біріктірілген рулар.

Құпия қоғамдар, инициациялар (маска билері бар жыл сайынғы мерекелер), мифтік жаратылыстарға уйя (аяғы ашылған ергежейлі), зини (алып рух - жын), зио дьамбире (су перісі) сену сақталған.

Үйлері тікбұрышты, екі қабатты, сыртқы немесе бүйірлік баспалдақтары бар, бірінші қабаттың едені көбінесе жер деңгейінен төмен. Құрметті отбасы мүшелері еденнің астына жерленген. Үлкен отбасылардың үйлері ретсіз орналасқан бірнеші ғимараттардан тұрады.

Некеге дейінгі жастар киім кимейді, тұрмысқа шыққан әйелдер жапырақтан жасалған жеңіл алжапқышты немесе соңғы онжылдықтарда матаның бір бөлігін киеді, жас жігіттер жамбасты жауып тұратын мата кесіндісін киеді. Соңғы онжылдықтарда еуропалық киім элементтерінің енуі байқалуда.

Әдеттегі тағам — көкөніс соусы, құрғақ балық және т.б. қосылған қою тары ботқасы.