Бразилия Ұлттық футбол құрама командасы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Бразилия
Логотип
Лақап Seleção (Таңдаулы), Pentacampeone (Бес дүркін чемпиондар)
Конфедерация КОНМЕБОЛ
Федерация Футболдан Бразилия конфедерациясы
Негізгі. бапкер Бразилия Луис Фелипе Сколари
Капитан Тиаго Силва
Ең көп
ойын саны
Кафу (142)
Үздік
бомбардир
Пеле (77)
ФИФА рейтингі 7 (17.07.2014)
ФИФА коды BRA
Форма
Негізгі
форма
Форма
Сақтық
форма
Бірінші ойын
Аргентина Аргентина 3 — 0 Бразилия Бразилия
(Буэнос Айрес, Аргентина; 20 тамыз, 1914 жыл)
Ең ірі жеңіс
Бразилия Бразилия 14 - 0 Никарагуа Никарагуа
(Мехико, Бразилия; 17 қазан, 1975 жыл)
Ең ірі жеңіліс
Уругвай Уругвай 6 - 0 Бразилия Бразилия
(Винья-дель-Мар, Чили; 18 қыркүйек, 1920 жыл)
Германия Германия 7 - 1 Бразилия Бразилия
(Белу-Оризонти, Бразилия; 8 шілде, 2014 жыл)
Әлем чемпионаты
Қатысу 19 (бірінші 1930)
Жетістік Чемпиондар, 1958, 1962, 1970, 1994, 2002
Футболдан Америка кубогі
Қатысу 31 (бірінші 1916)
Жетістік Чемпиондар, 1919, 1922, 1949, 1989, 1997, 1999, 2004, 2007

Футболдан Бразилия Ұлттық құрамасы (порт. Seleção Brasileira de Futebol) Бразилияны халықаралық матчтар мен футболдан турнирлерде ұсынады. Елдегі футбол ұйымының негізгі басқарушысы футболдан Бразилия конфедерациясының қол астында бақылауда болады. 1923 жылдан бастап ФИФА мүшесі болып келеді, сонымен қатар 1916 жылдан бастап КОНМЕБОЛ мүшесі болып табылады.

Тарихы[өңдеу]

Ең алғашқы жолдастық кездесуін 1914 жылы Англияның "Эксетер Сити" клубтық командасына қарсы өткізіп, 2:0 есебімен ұтқан (бірақ кей мәліметтерде бұл матч 3:3 есебімен тең аяқталған деп те көрсетіледі).

Әлем чемпионаты[өңдеу]

1930, 1934 жылғы Әлем Чемионаттарында ұлттық құрама алғашқы кезеңнен аса алмағын. Тек, 1938 жылы Францияда өткізілген әлемдік додада алғашқы тырнақ алды дүниежүзілік жүлдесін иемденді. Қола медалді олжалады. Осы чемпионатта құрама шабуылшысы — Леонидас Әлем Чемпионаттары тарихында тұңғыш покер (бір матчта төрт гол) соққан футболшы ретінде тарих беттерінде қатталды.

Екінші дүниежүзілік соғыстан кейінгі алғашқы Әлем Чемпионаты 1950 жылы Бразилияда өткізілді. Екінші топтық турнирдің шешуші матчында Бразилия құрамасы Уругваймен күш сынасты. Тең түссе болды, чемпион атанатын алаң иелері мүмкіндікті қолдан жіберіп алды. 47 минутта Фриаса бразилиялықтарды алға шығарғанымен, 68 минутта Скяффино есепті теңестірді. Ал, ойын бітуге 10 минут қалғанда Альсидес Хиггия шешуші голды соқты да, Уругвай екінші рет Әлемдік додада топ жарды. Бұл матч Бразилия футболы тарихында "Мараканасо" ("Маракана қасіреті") деген атпен ең қаралы матч ретінде есте қалды.

Бірақ, Бразилия құрамасының алар асулары әлі алда еді. 1958 жылы Швецияда өткен VI Әлем Чемпионатында Пеле, Гарринча, Диди, Вава секілді жұлдыздар құраманы сонау шырқау биікке бір-ақ көтерді. Команданы аңызға айналған бапкер Висенте Феола бастап барды. Құрама тұңғыш рет Әлем Чемпионы атанды. 4-4-2 жүесімен орналасуды да осы додаға бразилиялықтар бірінші болып қолданды. Бұл — Әлемдік футболдың жаңа кезеңінің басталу шағы еді.

1962 жылы Чилиде өткен чемпионатқа құраманы Айморе Морейра бастап барды. Бұл жолы команда 4-4-3 жүйесімен ойын көрсетіп, айласын асырып кетті. Футбол королі Пеле тек бірінші ойында ғана командасына жәрдем берді де, қалған кездесулерде жарақатына орай алаңға шыға алмады. Бұл жоғалту құраманың екінші рет чемпион атануына кедергі болмады.

1966 жылы Англияда өткен бәсекеде құрама топтық турнирден аса алмады. Пеле бұл жолы да жарақатына орай дұрыстап өнер көрсете алған жоқ. Бірақ '1970 жылы Мексикада өткен Әлем Чемпионатында "Селесауларға" тең келетін құрама табылмады. Чемпионат басталуға аз ғана қалғанда құрама тізгінін ұстаған Марио Загало құрамадағы Пеле, Жаирзиньо, Жерсон, Тостао, Карлос Альберто секілді теңдессіз футболшыларды орнымен пайдалана білді. Нәтижесінде құрама үшінші рет әлм футболының шыңына шықты.

Келесі чемпиондықты аттай 24 жыл күтуге тура келді. 1974-1990 жылдар аралығында тек бір рет қана, 1978 жылы қола жүлдеге ие болды. Бұл аралықта құраманың намысын қорғаған Зико, Сократес, Фалькао, Эдер, Мюллер, Карека секілді футболшыларға алтын кубокты иемдену бұйырмапты. 1994 жылы АҚШ-та өткен "Соккер-шоуда" құраманы Карлос Альберто Парейра баптады. Ептеп прагматиктеу ойын көрсеткен құрама ешкімнен де жеңілмеді. Финалда өздерінің тарихи басты бәсекелестері — Италия құрамасын пенальти арқылы жеңіп, алтын жүлдені төртінші рет олжалады.

Арада төрт жыл өткен соң да құрама жақсы ойнады, тек финалда алаң иелері — Франциядан ірі есеппен (0:3) ұтылды да, күміс жүлдені қанағат тұтты. 2002 жылы Азия елдерінде өткен бәсеке бразилиялықтар үшін сәтті болды. Жеті матчтың жетеуінде де жеңіске жетіп, бесінші рет Әлем Чемпионы атанды.

2006, 2010 жылдарғы Әлем Чемпионаттарында құрама ширек финалдан аса алмады. 2014 жылғы әлемдік бәсеке тағы да Бразилияда өтті. Тілеулестері тек чемпиондықты күткен бұл додада Бразилия жартылай финалға ғана жетті. Германия құрамасынан 1:7 есебімен ұтылып, айдай әлемге шерменде болды. Үшінші орын үшін өткен матчта да Голландияға жол беріп (0:3), бас бапкер Луиз Фелипе Сколари орнынан алынды.

Басқа да турнирлер[өңдеу]

Жетістіктері[өңдеу]

Бес дүркін Әлем чемпионы атанған — 1958, 1962, 1970, 1994, 2002

Екі дүркін Әлемнің күміс жүлдегері — 1950, 1998

Екі дүркін Әлемнің қола жүлде иегері — 1934, 1978

Рекордшылар[өңдеу]

2016 жылғы 11 қарашадағы жағдай

Көп матч өткізгендер

Аты-жөні Карьера Матч Гол
1 Кафу 1989 — 2006 142 5
2 Роберто Карлос 1992 — 2006 125 11
3 Лусио 2000 — 2011 105 4
4 Клаудио Таффарел 1987 — 1998 104 -70
5 Робиньо 2003—н.в. 99 29
6-7 Роналдо 1994 — 2011 98 62
6-7 Джалма Сантос 1952 — 1968 98 3
8 Роналдиньо 1999 — 2013 97 33
9-10 Алдаир 1989—2000 94 4
9-10 Жилмар 1958—1969 94 -98
11 Жилберту Силва 2001 — 2008 93 3
12-13 Роберто Ривелино 1965 — 1978 92 26
12-13 Пеле 1957—1971 92 77
14 Карлос Дунга 1982—1998 91 6
15 Кака 2002—н.в. 90 29
16-17 Дида 1995—2006 87 -65
16-17 Жулио Сезар 2004—2014 87 -68

Мергендер

Аты-жөні Карьера Гол Матч
1 Пеле 1957 — 1971 77 92
2 Роналдо 1994 — 2011 62 98
3 Ромарио 1987 — 2005 55 70
4 Неймар 2010 — н.в 50 74
5 Зико 1976 — 1989 48 71
6 Бебето 1985—1998 39 75
7 Леонидас да Силва 1932—1946 37 37
8 Тостао 1966—1972 35 65
9 Ривалдо 1993—2003 34 74
10 Жаирзиньо 1964—1982 33 81
11 Роналдиньо 1999—2013 33 97
12 Адемир 1945—1953 32 39
13 Зизиньо 1942-1957 31 54
14 Адриано 2000—2009 29 51
15 Карека 1982—1993 29 63
16 Кака 2002—н.в. 29 90
17 Робиньо 2003—н.в. 29 99
18 Луис Фабиано 2003—2013 28 46

Дереккөздер[өңдеу]