Бразилия — Германия — 1:7 (ӘЧ-2014)

Уикипедия — ашық энциклопедиясынан алынған мәлімет
Jump to navigation Jump to search
Бразилия — Германия
Турнир

Футболдан 2014 жылғы әлем біріншілігі

Стадион

Минейран, Белу-Оризонти

Көрермендер

58 141

Бразилия - Германия (1:7) - Футболдан 2014 жылғы Әлем Чемпионатының жартылай финалындағы матч. Матч 2014 жылы 8 шілдеде Белу Оризонтидегі "Минейран" стадионында өтті.

Матч рекордтары[өңдеу]

Brazil vs Germany, in Belo Horizonte 02.jpg

2014 жылғы Әлем Чемпионатының жартылай финалында Бразилия футболшылары тарихта болмаған масқараға ұшырап, Германиядан 1:7 есебімен жеңіліп қалды. Бұл кездесуде Әлемдік футболдың бірнеше рекорды жаңарды. Ең әуелі – неміс Мирослав Клозе өзінің ӘЧ-дағы 16-шы голын соғып, тарихтағы мергендердің бәрінен озды (бұған дейінгі рекордшы – Рональдо өзінің рекордының бұзылғанына сол стадионда телекомментаторлық жасап отырып куә болды).

Германияның Әлем Чемпионаттарында соққан голдарының саны 223-ке жетіп, Бразилияны басып озды (олардікі – 221 гол).

Әлем Чемпионаттарындағы бір жақтың тарапынан соғылған ең жылдам бес гол да осы матчта тіркелді (18 минут ішінде бес доп).

Томас Мюллер Германия құрамасының тарихтағы 2000-шы голын соқты (11-минутта).

Тони Кроос 69 секундтың ішінде екі доп соқты. Мұндай жылдамдықпен дубль жасау да өзіндік рекорд.

Германия ӘЧ тарихында сегізінші рет финалға жолдама алды. Мұндай көрсеткішпен олардан басқа ешкім де мақтана алмайды.

Бұл нәтиже жартылай финалдар тарихындағы ең ірі жеңіс немесе ең ірі жеңіліс. Сондай-ақ Бразилияның 38 жылдан бергі ірі турнирлердегі өз алаңында алғаш жеңілуі. Бұл тұрғыдағы жеңіліссіз матчтар сериясы 62-ге жеткен.

Матч[өңдеу]

Бразилия құрамасы былтырғы турнирде ойсырай жеңілсе де аса әлсіз клуб бола қойған жоқ. Себебі, әлсіз ұжым ешқашан да жартылай финалға дейін жете алмайды. Тек негізгі орындаушылар сол күні алаңға шыға алмағандықтан да (мәселен, Неймар, Тиагу Силва, т.б) осындай сәтсіздікке ұшыраған болар. Сосын, оларды 23-29 минуттарда немістердің топырлатып соғып тастаған голдары есеңгіретіп кетті де, сол шашырағаннан үзіліске дейін жинала алмады. Үзілістен кейін де алаң иелері бірнеше дүркін қауіпті соққы жасады, тек Оскардың соққысы ғана соңғы минуттардың бірінде голға айналды...

Жалпы алғанда, бұл Чемпионатта немістерге тең келе қоятын құраманың өзі жоқ еді. Соны бағамдай алмаған Сколаридің де бұл жеңіліске «қосқан» үлесі көп. Доптан сәт сайын айырылып жататын Фредті ертерек алмастырып тастау керек пе еді... Халктың да бұл матчта көрсеткені шамалы болды (екі көріністің бірінде әлжуаз баладай жығылып құлай берді), қорғаныс шебі де тым ашық-шашық қалды («тасқамал қорғаныс» дегеннің өзі бразилиялықтардың табиғатында жоқ нәрсе, олар көбіне адуынды шабуылдарымен жеңіп кетіп отырған). «Біз қарсыластарымызға қалағанымызша гол соға аламыз, ал олар бізге мүмкіндігінше ғана соға алады» деп бразилиялықтар айтқан қанатты сөз бұл жолы керісінше жұмыс істеді.

Протокол[өңдеу]

8 шілде 2014
 Бразилия 1–7  Германия
Оскар 90 Голдар Мюллер 11
Клозе 23
Кроос 24, 26
Хедира 29
Шюррле 69, 79
Минейрао, Белу-Оризонте
Көрермендер саны: 58,141
Төреші: Марко Родригес (Мексика)
Team colours Team colours Team colours
Team colours
Team colours
 
Бразилия
Team colours Team colours Team colours
Team colours
Team colours
 
Германия
GK 12 Жулио Сезар
RB 23 Майкон
CB 4 Давид Луиз (c)
CB 13 Данте 68 минутта ескертілді 68'
LB 6 Марселу
CM 5 Фернандиньо Алмастырылды 46'
CM 17 Луиз Густаво
RW 7 Халк Алмастырылды 46'
AM 11 Оскар
LW 20 Бернар
CF 9 Фред Алмастырылды 70'
Алмасулар:
MF 8 Паулиньо Алмасуға шықты 46'
MF 16 Рамирес Алмасуға шықты 46'
MF 19 Виллиан Алмасуға шықты 70'
Бапкер:
Луиз Фелипе Сколари
BRA-GER 2014-07-08.svg
GK 1 Нойер
RB 16 Лам (c)
CB 20 Боатенг
CB 5 Хуммельс Алмастырылды 46'
LB 4 Ховедес
CM 6 Хедира Алмастырылды 76'
CM 7 Швайнштайгер
RW 13 Мюллер
AM 18 Кроос
LW 8 Өзил
CF 11 Клозе Алмастырылды 58'
Алмасулар:
FW 9 Шюррле Алмасуға шықты 58'
MF 14 Дракслер Алмасуға шықты 76'
DF 17 Мертезакер Алмасуға шықты 46'
бапкер:
Йоахим Лев

Сыртқы сілтемелер[өңдеу]

шолу

Тағы қараңыз[өңдеу]

Бразилия — Уругвай — 1:2, 1950