Брендон Ури

Уикипедия — ашық энциклопедиясынан алынған мәлімет
Jump to navigation Jump to search

Бре́ндон Бойд У́ри (1987 жылы, 12 сәуірде, Америка Құрама Штаттарында, Сент-Джордж қаласында дүниеге келген) – американдық музыкант, вокалист, гитарист, пианист және 2010 жылдан бастап Panic! At the Disco тобының өлеңдерінің авторы. Оның үстіне ұрмалы аспаптарда, аккардионда және органда ойнайды.

Бала кезі[өңдеу]

Ури Юта штатының Сент-Джордж қаласында дүниеге келген. Брендон 2 жасқа келгенде, оның отбасысы Лас-Вегас қаласына көшкен. Ол Грейс пен Бойда Урилер отбасының бесінші әрі кенже ұлы болып табылады. Брендон жоғары сынып оқып жүргенде, гитара класына барады. Сол жерде ол Panic! At the Disco тобының экс-мүшесі Брент Уилсонмен танысады. Уилсон Уридан өздерінің тобында өнер көрсетуін сұрайды. Себебі сол уақытта олардың тобына жаңа гитарист керек болды. Ури 2011 жылдағы сұхбатының бірінде өзін «өрта мектептің кретині» ретінде бейнелейді. Бұған себеп, мектепте оған үнемі бір бала келіп тиісіп, бопсалайтын болған. Дайындық үшін топ пәтер жалдау қажет болған. Оған ақша табу үшін Брендон Tropical Smoothie Cafe кафесінде жұмыс жасаған. Кафеде Ури жиі-жиі келушілерге ән айтып беріп жүрген. Ол оны былай түсіндіреді: «Мен сол уақытта естіген өлеңдерімнің барлығын айттым, бірақ көптеген тапсырыстар түсті. Scorpions, W.A.S.P. әндерін қалай орындағаным әлі есімде. Сексенінші жылдардың хит өлеңдері азын-аулақ қаражат таптырды. Бұл өлеңдер кең диапазонды талап етенін еді. Ал менікі соған сәйкес келді. Біреуге менің ән шырқағаным ұнаса, ал басқа біреулерге ұнамады. Маған басқалардың таңдауына қарау керек болды. Алайда, кей адамдар менің шайлық үшін қалай өлең айтатынымды көруге келетін еді. Ол кездер көптеген қызық жайттар басымнан өтті.»

Мансабы[өңдеу]

Оның музыкалық мансабы гитара класында бірге оқыған досы Брент Вилсонды кездестіргенде басталған еді. Вилсон топтағы гитаристті ауыстыруға адам іздеп жүргенін алға тартып, Брендонды олардың топтарының жаңа гитаристі болуға шақырған болатын. Алғашқыда Ури топтың көшбасшы вокалисті болмаған. Себебі бұл орын Райан Россқа тиесілі еді. Бірақ Райан Росс ауырып қалғанда, Брендон оның орнына ән салды. Топтың өзге мүшелері оның даусына тәнті болып, оны бірауыздан топтың әншісі қылуға шешім қабылдады. Осыдан соң Panic! At the Disco тобы Ури вокалист болған кездегі төрт әнжинақты жарыққа шығарды. A Fever You Can't Sweat Out атты әнжинақ 2005 жылы жарыққа шыққан болса, Pretty. Odd. — 2008 жылы, 2011 жылы — Vices & Virtues, ал 2013 жылы — Too Weird To Live, Too Rare To Die! Ури екі өлеңді өзі жазып, өзі айтып шыққан болатын. Олар: «I Have Friends in Holy Spaces», «Folkin' Around». Ол 2009 жылы Тело Дженнифер фильміне саундтрек болған «New Perspective» әнін жазды. Ал 2013 жылы «Too Weird To Live, Too Rare To Die!» атты тағы бір әнжинақ жарыққа шыққан болатын.

Басқа жобалары[өңдеу]

Брендон Ури көптеген әндерді орындап, бейнебаяндарға түсті. Ол Патрик Стамппен бірге The Cab тобының Whisper War әнжинағындағы «One of Those Nights» атты өлеңін орындады. Ури сонымен қатар Fall Out Boy тобының бірең-сараң әндеріне өз дауысын жазған болатын. Оның көркем даусы бэк-вокал ретінде «What a Catch, Donnie», «20 Dollar Nose Bleed» «7 Minutes in Heaven» әуендерінде жазылды. Бэк-вокалист ретінде оны Black Gold тобының «Plans and Reveries» шығармасында кездестіруге болады. 2008 жылы Брендон Бетч Уолкер авторы болып табылатын Coca-Cola Company «Open Happiness» өлеңін де шырқаған еді. 2009 жылдың 16 шілдесінде түсірілген бейнебаянда Брендон Ури репортер ролін сомдады. Сонымен қатар ол 2008 жылы Forgive Durden тобының Razia’s Shadow: A Musical атты әнжинағын жазу барысында, басты рөлдегі кейіпкердің үлкен ағасы Паллистің рөлін сомдады. Уридің даусы «The Exit» және «The End and the Beginning» өлеңдерінде жазылды. Ури Fall Out Boy тобының «A Little Less Sixteen Candles, a Little More Touch Me», «What a Catch, Donnie» және «Headfirst Slide into Cooperstown on a Bad Bet» бейнебаяндарында бой көрсетті. Сонымен қатар ол Gym Class Heroes тобының «Clothes off» бейнебаянына да түскен болатын.

Жеке өмірі[өңдеу]

Брендон Ури 2011 жылы өзінің бұрыннан бергі құрбысы Сара Ожечовскиймен некеге тұрды. Бұл жұп 2013 жылы 27 сәуірде үйленді.

[1]

  1. 1. ↑ Panic! Attack. REVIEW-JOURNAL. 2006 жылы 27 тамызда тексерілген. 2. ↑ Buzzworthy Obsession: The Cab, 'One of Those Nights' " MTV Buzzworthy Blog 3. ↑ en:What a Catch, Donnie 4. ↑ Fall Out Boy — 7 Minutes in Heaven (atavan Halen) lyrics 5. ↑ Open Happiness на MySpace Music — тегін MP3, фото және бейнебаяндар