Евгений Григорьевич Брусиловский

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Евгений Брусиловский
орыс. Евгений Брусиловский
Е. Г. Брусиловскийге арналған Қазақстан пошта маркасы, 2005, 150 теңге
Е. Г. Брусиловскийге арналған Қазақстан пошта маркасы, 2005, 150 теңге
Туған кездегі есімі:

Евгений Григорьевич Брусиловский

Қызметі:

композитор, педагог, профессор

Туған күні:

30 қазан 1905(1905-10-30)

Туған жері:

Ростов-на-Дону, Донский әскерінің облысы, Ресей Империясы

Азаматтығы:

 Кеңестік Социалистік Республикалар Одағы
Flag of Russia.svg Ресей Империясы (1905-1922)

Ұлты:

орыс

Қайтыс болған күні:

9 мамыр 1981(1981-05-09) (75 жас)

Қайтыс болған жері:

Мәскеу, РКСФР, КСРО

Евгений Григорьевич Брусиловский (12 қараша 1905, Ресей, Дондағы Ростов9 мамыр 1981, Мәскеу) — композитор, Қазақстанның халық артисі (1936).

Өмірбаяны[өңдеу]

  • 1933 — 34 жылдары Қазақ музыкалық драма техникумы жанындағы халық музыкасының ғылыми-зерттеу кабинетінде қызмет етті.
  • 1934 — 38 жылы Қазақ музыка (қазіргі Қазақ опера және балет театры) театрының музыкалық жетекшісі
  • 1939 — 56 жылы Қазақстан Композиторлар одағы басқармасының төрағасы
  • 1956 — 76 жылдары КСРО Композиторлар одағы басқармасының мүшесі
  • 1944 — 51 жылдары Қазақ филармониясының көркемдік жетекшісі
  • 1944 — 70 жылдары Алматы консерваториясының композиция кафедрасының меңгерушісі болды.

Шығармашылығы[өңдеу]

Брусиловский қазақ музыка өнерінде еуропалық бағыттағы шығармашылық мектептің қалыптасуына үлкен үлес қосты.

Ол 9 опера, 2 балет, 9 симфония, “Кеңестік Қазақстан” атты кантата, оркестрге, аспаптарға арналған концерттер, 500-ден астам әндер мен романстар, сондай-ақ, Қазақстан әнұранының музыкасын (Мұқан Төлебаев, Л. Хамидилермен бірігіп) жазды.

Брусиловский қазақтың ұлттық әндерін өз шығармаларында жоғары шеберлікпен пайдаланды. Ол 250-ден астам қазақ ән-күйлерін жазып алған. Ол — “Қыз Жібек”, “Жалбыр”, “Ер Тарғын” сияқты алғашқы қазақ операларының авторы. Олар музыка мәдениетінде, елдің мәдени өмірінде зор маңызға ие болды.

1970 жылдан Мәскеуде тұрған Брусиловский қазақ тұрмысы тақырыбына 8-, 9-симфонияларын, “Қозы Көрпеш — Баян сұлу” балетін жазды.


шәкірттері[өңдеу]

  • Б.Байқадамов
  • А.Бычков
  • К.Күмісбеков
  • Қ.Қожамияров
  • Н.Меңдіғалиев
  • Қ.Мусин
  • С.Мұхамеджанов
  • Е.Рахмадиев.

Орыс және қазақ тілдерінде “Естеліктер” атты кітабы жарық көрді.

Марапаттары[өңдеу]

  • КСРО Мемлекеттік сыйлығы (1948, “Кеңестік Қазақстан” кантатасы үшін)
  • Қазақстан Мемлекеттік сыйлығы (1967, “Құрманғазы” атты 6-симфониясы үшін) лауреаты.
  • Ленин
  • Еңбек Қызыл Ту
  • Құрмет белгісі ордендерімен марапатталған.

Есте қалдыру[өңдеу]

Алматы қаласында Брусиловский атында көше бар.[1][2][3]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, II том
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
  3. Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8