Будапештті алғаны үшін медалі
| «Будапештті алғаны үшін» медалі | |
|---|---|
| Capture of Budapest OBVERSE.jpg | |
| Мемлекет |  КСРО
|
| Түрі | Медаль |
| үшін марапатталады | Будапешт қаласының шайқастарына қатысқаны үшін |
| Жағдайы | берілмейді |
| Алғашқы иегері | 9 маусым 1945 |
| Жоғары марапаты | «Жапонияны жеңгені үшін» медалі |
| Төменгі марапаты | «Кёнигсбергті алғаны үшін» медалі |
«Будапештті алғаны үшін» медалі — 1945 жылғы 9 маусымда КСРО Жоғарғы Кеңесі Президиумының Жарлығымен тағайындалған кеңестік медаль. Ол 1945 жылы Будапештті алуға қатысқан әскери қызметшілерді марапаттау үшін белгіленді. Медаль жобасының авторы — суретші А. И. Кузнецов.[1]
Медаль туралы ереже
[өңдеу | қайнарын өңдеу]«Будапештті алғаны үшін» медалімен Қызыл Армияның, Әскери-Теңіз Флотының және НКВД әскерлерінің әскери қызметшілері — 1944 жылғы 20 желтоқсан мен 1945 жылғы 15 ақпан аралығында Будапештті ерлікпен шабуылдап алуына тікелей қатысқандар, сондай-ақ осы қаланы алу кезіндегі жауынгерлік операцияларды ұйымдастырған және басқарған тұлғалар марапатталды. «Будапештті алғаны үшін» медалі кеуденің сол жағына тағылады және КСРО-ның басқа медальдары болған жағдайда «Жапонияны жеңгені үшін» медалінен кейін орналастырылады. 1995 жылғы 1 қаңтардағы жағдай бойынша «Будапештті алғаны үшін» медалімен шамамен 362 050 адам марапатталған.
Медальдің сипаттамасы
[өңдеу | қайнарын өңдеу]«Будапештті алғаны үшін» медалі жезден жасалған және диаметрі 32 мм болатын дұрыс дөңгелек пішінді.
Медальдің алдыңғы бетінде: ортасында «ЗА ВЗЯТИЕ БУДАПЕШТА» деген жазу, жазудың үстіңгі жағында — бесбұрышты жұлдызша, ал төменгі жағында — екі айқастырылған лавр бұтақтарының үстінде бейнеленген орақ пен балға орналасқан.
Медальдің артқы бетінде Будапешттің алынған күні — «13 февраля 1945» деген жазу бар, күннің үстінде — бесбұрышты жұлдызша бейнеленген.
Медальдағы барлық жазулар мен бейнелер бедерлі (шығыңқы) түрде жасалған. Медальдің алдыңғы және артқы беттері жиекпен қоршалған.
Медаль құлақша мен сақина арқылы ені 24 мм болатын сарғылт түсті жібек муар лентамен қапталған бесбұрышты тағанға бекітіледі. Лентаның ортасында ені 8 мм көгілдір жолақ бар.
Мәдениетте
[өңдеу | қайнарын өңдеу]Медаль «Жаулар менің үйімді өртеп жіберді» әнінде айтылған.
..Ілулі тұрды кеудесінде, Будапешт үшін алған медаль. (..И на груди его висела, Медаль за город Будапешт.)
Дереккөздер
[өңдеу | қайнарын өңдеу]- ↑ Соғысты-тарихи журнал, 205 б., Шуняков.