Бырранга

Уикипедия — ашық энциклопедиясынан алынған мәлімет
Jump to navigation Jump to search

БыррангаТаймыр түбегінің солтүстік бөлігінде, Ресейдің Красноярск өлкесіндегі тау. Ол Енисей ернеуі мен Лаптевтер теңізі аралығында, оңтүстік-батыстан солтүстік-шығыс бағытқа қарай 1000 км-ге созылып жатыр. Оңтүстігінде Солтүстік Сібір ойпатымен тектониктік жарық арқылы тік жар бойымен шектеседі. Орташа биіктігі 400 — 700 м. Ең биік жері (Ледниковая тауы, 1146 м) шығысында орналасқан. Тау кембрийге дейінгі және палеозойлық габбро-диабаз жыныстарынан түзілген. Солтүстік-шығысында жалпы ауданы 50 км² мұздықтар қалыптасқан. Тауда арктикалық тундраға тән мүктер мен қыналар өседі. Жануарлардан имминг, көгілдір түлкі, солтүстік бұғысы, поляр шілі, ақ үкі кездеседі. [1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том