Мазмұнға өту

Бэкрумс

Уикипедия — ашық энциклопедиясынан алынған мәлімет
4chan-да жарияланған түпнұсқа фотосурет

Бэкрумс (ағылш. The Backrooms; сөзбе-сөз аудармасы — «артқы бөлмелер», сондай-ақ «Сахна арты» деп те аталады) — ойдан шығарылған мекен туралы қалалық аңыз, интернет-мем және крипипаста болып табылады. Ол, атап айтқанда, өзінің табиғи емес иендігімен қорқыныш пен үрей тудыратын, кездейсоқ өзара байланысқан кеңсе және қосалқы бөлмелердің шексіз лабиринті болып табылады.[1][2][3][4] Бэкрумстың бастапқы нұсқасы 2019 жылғы 12 мамырда танымал ағылшынтілді анонимді 4chan имиджбордындағы пайдаланушының жарияланымынан бастау алады. Бұл жарияланым адамдардың пікірінше ең алаңдатарлық және қорқынышты болып көрінетін кескіндерді іздеуге арналған тақырыптық тредте жасалған болатын.[5][1][3]

Бэкрумс сары түсті көне бірсарынды кілемдер төселген, қабырғалары әртүрлі тұсқағаздармен қапталған, ал төбелеріне шуылдайтын люминесцентті шамдар орнатылған дәліздер мен бөлмелерден тұрады.[3][4] Бұл мекен үшін адамға қастық ойлайтын фантасмагориялық мақұлықтардың, яғни сушностьтардың пайда болуы да тән. Аңыз бойынша, Бэкрумстан шығу іс жүзінде мүмкін емес болып табылады:[6] интернет пайдаланушылары осы дерекке сүйене отырып, өзіндік ерекше дизайны мен тарихы бар лабиринттердің жаңа деңгейлерін ойлап табу арқылы тұжырымдаманы кеңейтті.[3]

Бэкрумстың көптеген деңгейлері ұмытылған немесе байқалмай қалған экзистенциалды және балалық шақтағы қорқыныштарды бейнелейді әрі пайдаланады деп саналады.[7] Бұл мекен, болжам бойынша, «қосалқы және кеңсе бөлмелері адамдарды үнемі қоршап тұрса да, оларға ешқандай маңыз берілмейтін, адамзат баласы жасаған әлемнің қараңғы әрі қорқынышты жағын» әшкерелейді:[3]

«Мысалы, бір күні түнде ата-анамыздың бірі кеңседе кеш батқанша жұмыс істеп, бізді шиыршықталған, лабиринт тәрізді дәліздерге толы үлкен әрі қаңсыраған ғимаратта тағдырдың тәлкегіне тастап кеткен болуы мүмкін. Немесе қандай да бір себептермен кешке дейін мектепте «тұрып қалып», әдетте өмір қайнап жататын мекеннің иен қалған дәліздерінде кезіп жүрген шығармыз.»

Тарихы

[өңдеу | дереккөзін өңдеу]

Бэкрумс идеясы 2019 жылдың 12 мамырында анонимді 4chan имиджбордында жарияланған тақырыптық тредтердің бірінде, анонимді қолданушы басқалардан «жай ғана „бұрыс“ болып көрінетін мазасыз суреттерді жариялауды» сұраған кезде пайда болды.[8][9][10][11] Осылайша, Бэкрумсты бейнелейтін алғашқы фотосурет 2018 жылдың 22 сәуіріндегі, сондай-ақ «қарғыс атқан суреттерге» арналған тред тармағынан қайта жүктелген болатын.[9][11]

Тағы бір аноним фотосуретке пікір қалдырып, адам бұл мекенге «шындықтан тыс қалғанда» (ағылш. noclip) түсетінін көрсету арқылы Бэкрумс туралы өз тұжырымдамасымен бөлісті. Бұл өзі негізінде бейне ойындарға қатысты термин болып табылады және ойыншының, әдетте, оның жолын бөгеуі тиіс ойынның «физикалық» кеңістігінен (карта шекарасынан) өтіп кету құбылысын білдіреді.[9][11][12]

Содан кейін тредке қатысушылардың бірі осы ойдан шығарылған мекенге қысқаша сипаттама жазды:[2][13]

«Егер жеткілікті сақтық танытпай, бұрыс жерде шындықтан тыс қалатын болсаңыз, онда сіз тозығы жеткен дымқыл кілемнің иісінен, бірсарынды сары тұсқағаздардың сорақылығынан, фондағы шуылдаған люминесцентті шамдардың тоқтаусыз ызыңынан және кездейсоқ біріктірілген шамамен 1,5 миллиард км² бос бөлмелерден ғана тұратын Бэкрумсқа тап боласыз. Егер жақын маңда бір нәрсенің кезіп жүргенін ести қалсаңыз, Құдай сізді сақтасын, өйткені бұл оның да сізді естігенін білдіреді.»

Көп ұзамай, үш күннен кейін, 2019 жылдың 15 мамырында белгісіз бір адам алғашқы сурет пен Бэкрумс сипатталған посттың скриншотын біріктіріп, содан кейін 4chan-да тред ашты. Ол осы тредте екі кескіннің жинағын: «Can anybody redpill me on the Backrooms? Saw this on a previous thread and it’s got me intrigued.»[9][14] (аударғанда ағылш. — «Кімде-кім маған Бэкрумстың не екенін түсіндіріп бере ала ма? Мұны алдыңғы тредтен көріп едім, мені қызықтырып қойды») деген түсініктемемен бірге жариялады. Осы тредтен бастап крипипастаның тез танымал болуы басталып, мемдер жасалып әрі таратылады, сондай-ақ бұл құбылыстың одан әрі дамуы туралы пікірталастар жүргізіледі.[9][10]

Біраз уақыттан кейін энтузиаст бағдарламашылар жалпы ауданы шамамен 600 миллион миль² (≈1,5 миллиард км²) болатын, бір-бірімен байланысқан бос бөлмелердің кездейсоқ генерациясын модельдейтін бағдарлама әзірлейді. Бұл бағдарлама кейінгі компьютерлік инди-ойындарды және Бэкрумс тақырыбына арналған басқа да жобаларды жасауға негіз болып қызмет етеді.[15]

4chan-дағы бұл жарияланым кеңінен танымал болғаннан кейін, бірнеше интернет пайдаланушылары Бэкрумсқа байланысты крипипасталар жазды.[8][10][12] Сонымен қатар, әлеуметтік желілерде көптеген мемдердің жасалып әрі таратылуы бұл тұжырымдаманы одан әрі танымал ете түсті.[9] Кейбір адамдар бұл суретті бұрын бір жерден көргендерін де мәлімдеді. Қорқынышты оқиғаларға арналған The Ghost in My Machine интернет-басылымы Бэкрумсты «Интернеттегі ең сүйікті жуткий аңыздардың бірі» деп атайды.[9]

Happy Mag интернет-басылымының редакторы Мэннинг Пэтстонның (Manning Patston) пікірінше, бұл фотосуреттер мен олардың сипаттамалары «экзистенциалдық, бостық және үрей» сезімін тудырады.[11] Somag News журналисі Кейтлин Кубрик (Kaitlyn Kubrick) Бэкрумс локациясын Resident Evil бейнеойындар франшизасындағы деңгейлердің геймдизайнымен салыстыра отырып, оны «лабиринттерге жаңа мағына беретін, қарғыс атқан түстердің зәрені ұшыратын крипипастасы» деп атайды.[12] Бэкрумс құбылысы алғаш рет The Dictionary of Obscure Sorrows онлайн неологизмдер сөздігіне енгізілген «кенопсия» ұғымымен де байланыстырылды.[15][16]

Бэкрумстың түпнұсқа фотосуретіндегі бөлменің орналасқан жері ұзақ уақыт бойы белгісіз болып қалды,[8] сонымен қатар бұл кескін процедуралық түрде жасалған цифрлық композиция болып табылады деген нұсқа да ұсынылды.[9] Фотосуреттің шығу тегі 2024 жылы белгілі болды, ол Висконсин штатындағы Ошкош қаласында орналасқан HobbyTown жиһаз дүкенінің бөлмелері болып шықты. Бұл фотосуреттер 2003 жылы дүкенді қайта жаңарту кезінде түсіріліп, оның веб-сайтында орналастырылған екен. Интернет пайдаланушылары аталмыш сайттың мұрағаттық көшірмесін тауып алды.[17]

Қазіргі уақытта Бэкрумс мифологиясында жасалған барлық дүниелерді сақтау қоймасы ретінде кем дегенде екі уики-проект қызмет етеді: оның бірі Fandom платформасында, ал екіншісі Wikidot-та орналасқан. Fandom-дағы вики бірінші болып пайда болғанымен, қазіргі уақытта ол негізгі дереккөз болып саналмайды: модерацияның болмауына байланысты бұл жоба жиі вандализмге ұшырайды және соның салдарынан өзінің канондық мәртебесін жоғалтты. Ал қазіргі уақытта Wikidot платформасындағы вики ең өзекті әрі канондық ақпарат көзі ретінде танылады.[9]

Тұжырымдама

[өңдеу | дереккөзін өңдеу]

«Backrooms Database Wikidot» логотипі

Бэкрумстың бастапқы тұжырымдамасын жаңа әрі әртүрлі «деңгейлерді» ойлап тапқан пайдаланушылар кеңейте түсті.[12] Бэкрумс фэндомында өзіндік бірегей сипаттамалары, суреттері мен «қауіпсіздік кластары» бар мыңдаған негізгі деңгейлер, ішкі деңгейлер, теріс деңгейлер және әзіл-қалжың деңгейлері (нұсқалардың бірі бойынша деңгейлер шексіз жиын) туралы ақпарат кездескенімен, әдетте, алғашқы 9 (10) деңгей, сондай-ақ «негізгі» тізімге кірмейтін ең танымал деңгейлердің кейбірі ғана «негізгі» деңгейлер ретінде бөліп көрсетіледі.[9] Олардың ішінде ең танымалы — алғашқы үш деңгей болып табылады.[11]

0-деңгей

[өңдеу | дереккөзін өңдеу]

Бұл Бэкрумстың түпнұсқа фотосуретінде бейнеленген, крипипастаның ең танымал сипаттамаларының барлығын қамтитын деңгей болып табылады. Пайдаланушылар тарапынан 0-деңгей үшін ойлап табылған «сущностьтардың» бірі — «кез келген жағдайда аулақ болу керек» деп сипатталатын, «жәутік, маниакалды» гуманоидты мақұлықтар болып табылатын «тазылар». Бұл деңгейдің тағы бір ерекшелігі — Жерге оралуға, деңгейдің басына қайта тастауға немесе басқа қастық ойлайтын мақұлықтары бар «жаңа өлшемге» ауысуға әкелуі мүмкін «аномалия аймағы» болып табылады. 0-деңгейде адамдардың көпшілігі қаза табады.

1-деңгей

[өңдеу | дереккөзін өңдеу]

Егер аномалия аймағына кірмей, оның орнына бірнеше күн бойы 0-деңгейде кезіп жүретін болсаңыз, 1-деңгейге жетуге болады. 1-деңгей 0-деңгейге қарағанда күңгірттеу болып табылады және ол неғұрлым индустриалды архитектурасымен әрі механикалық дыбыстарға ұқсас шуылдарымен ерекшеленеді. Люминесцентті шамдар жиірек жыпылықтай бастайды, кейде тіпті толығымен өшіп қалады. Кейбір адамдар бұл деңгейге алыстан естілетін ащы айқайларды да жатқызады. 1-деңгейде тұрақты су қоры бар, бұл оны өмір сүруге жарамды етеді.

2-деңгей

[өңдеу | дереккөзін өңдеу]

Бұл ең қараңғы деңгей болып табылады, ол басқа деңгейлермен салыстырғанда әлдеқайда жоғары температураға ие, сондай-ақ неғұрлым индустриалды архитектурадан тұрады және оның құрамында ең көп «сущностьтар» кездеседі.[11] Ол жерге 1-деңгейде жеткілікті ұзақ уақыт бойы кезіп жүру арқылы ғана жетуге болады. Бэкрумста «аман қалғандар» ол жерден қашудың жалғыз жолы — сабырлық сақтау екенін айтып, «сіз бұл жерден Бэкрумс сіздің өз үйіңізге айналған кезде ғана кете аласыз» деп мәлімдейді.

4-деңгей

[өңдеу | дереккөзін өңдеу]

Бұл деңгей жиһаздан дерлік толықтай жұрдай болған бос кеңсе ғимаратына ұқсайды. Осы деңгейдегі кейбір бөлмелерде терезелер бар, бірақ олардың көпшілігі толығымен күңгірттенген болып келеді. Күңгірттенбеген кез келген терезелер тұзақ болып саналады, сондықтан олардан қандай жағдай болмасын аулақ болу керек.

Бұл, сонымен қатар, басқа адамдармен кездесуге және керек-жарақтарды іздеуге ең қолайлы орын болып табылады. Келесі деңгейлерге өтуге әрекет жасамас бұрын, Бадам суын жинап алыңыз: ол сізге, әсіресе 5-деңгей мен 6-деңгейде өте қажет болады.

37-деңгей

[өңдеу | дереккөзін өңдеу]

Көбінесе Poolrooms деп аталатын 37-деңгей, сәл жылы суға малынған, өзара байланысқан бөлмелер мен дәліздердің үлкен кешені болып табылады. Деңгейдің әрбір аймағы біркелкі бассейндер мен дәліздерден бастап, пішіні дұрыс емес, неғұрлым ашық кеңістіктерге дейін өзінің өлшемі мен құрылымы бойынша қатты ерекшеленеді.

Деңгейдің қабырғалары, төбелері мен едендері бірдей ақ керамикалық плиткалардан немесе бассейні бар бөлмелерде кездесетін кез келген басқа да әрлеу материалдарынан тұрғызылғандай әсер береді. Өзінің ерекше эстетикасы мен атмосферасының арқасында бұл деңгей жеке жанкүйерлер (фанаттар) базасына ие болды.

Танылуы

[өңдеу | дереккөзін өңдеу]

Бэкрумс журналистер мен интернет пайдаланушылары тарапынан үлкен танымалдылыққа ие болды, олардың көпшілігі бұл мекеннің тылсым табиғатын ерекше атап өтті.[10] Бұл крипипаста, сонымен қатар, адам бойында «ностальгия, адасушылық және сенімсіздік сезімін» тудыратын фотосуреттерді сипаттайтын лиминалды кеңістіктер интернет-трендінің негізгі қайнар көзі әрі ең танымал үлгісі ретінде де аталады;[18][19] мәселен, #liminalspaces тегі TikTok әлеуметтік желісінде шамамен 2,3 миллиард қаралым жинаған болатын.[20][21] Клэр Шойлин есімді әйел өзі жалдаған Airbnb үйінің астынан қараусыз қалған сауда орталығын тауып алған кезде, интернет комментаторлары оның осы орыннан түсірген фотосуреттерін Бэкрумстың түпнұсқа бейнесімен салыстырды.[22][23]

Dazed басылымы Бэкрумсты «интернет-фольклордың» айқын үлгісі деп атады.[21] Мэннинг Пэтстон бұл мекенді 51-аймақтағы БҰН-ға қатысты қастандық теорияларымен, режиссер Стэнли Кубриктің «Жарқырау» фильміндегі жұмысымен, Minecraft ойынындағы Хиробрин туралы қалалық аңызбен және 2019 жылғы «Біз» фильмімен салыстырды.[11]

Бэкрумс тұжырымдамасы, сонымен қатар, 1920-жылдардағы американдық музыка үлгілерін қолдана отырып, деменция дертін бейнелейтін Everywhere at the End of Time (2016–2019) музыкалық альбомдар сериясымен де салыстырылады. Итальяндық Antropia жаңалықтар сайтының тілшісі Марта Ферроның (ағылш. Marta Ferro) айтуынша, Бэкрумстың дәліздері «Жарқырау» фильміндегі The Shining’s Overlook Hotel-дің дәліздеріне ұқсас болып келеді, ал альбомдар сериясымен ұқсастығы крипипаста деңгейлерінде көрініс табатын «танылмау деңгейінің үдеуінен» туындайды.[24]

Әсері

[өңдеу | дереккөзін өңдеу]

Фильмдер мен веб-сериалдар

[өңдеу | дереккөзін өңдеу]
Толық мақалалары: Бэкрумс (веб-сериал) және Бэкрумс (фильм)

2022 жылдың қаңтарында сол кездегі 16 жастағы режиссер Кейн Парсонстың (YouTube-тегі Kane Pixels) YouTube арнасына «The Backrooms (Found Footage)» деп аталатын қорқынышты қысқаметражды фильм жүктелді.[3][4][25] Ол 1996 жылы кездейсоқ осы мекенге тап болып, мақұлықтан (сущностьтан) қашып, басқа деңгейлерге ауысып кететін жас оператор туралы жазба ретінде ұсынылады. Бұл фильмде камераның дірілдеуі және VHS сүзгісі сияқты эффектілерді жасау үшін нақты уақыттағы кадрлар да, 3D Blender рендерингі де, сондай-ақ басқа да әдістер қолданылады.[26] Кейбір мамандар «аналогтық хоррор» деп жіктеген бұл қысқаметражды фильм үлкен танымалдылыққа ие болды: мәселен, WPST сайты мақалаларының авторы Эрика Расселл (Erica Russell) оны «Интернеттегі ең қорқынышты бейнежазба» деп атады,[27] ал Dread Central жаңалықтар сайтының тілшісі Мэри Бет Макэндрюс (Mary Beth McAndrews) оны 2019 жылғы Control бейнеойынымен салыстырып, бұл туындыны «10 рет қайталап көргенін» мәлімдеді.[28][29]

Кейбір адамдар Парсонстың өз қолында бар дүниесімен не істей алғанына таңғалысты: мәселен, PopHorror веб-сайтының журналисі Джей Алексис (Jai Alexis) режиссердің жасына қайран қалса,[30] ал The Awesomer басылымы Бэкрумстың «бюджетсіз-ақ шиеленісті қалай тудыруға болатынын көрсететінін» атап өтті.[31] Boing Boing сайтының мақала авторы Роб Бешизза (Rob Beschizza) бұл болжамын «Слендермен» хоррорымен және оның 2018 жылғы экрандалуымен салыстыра отырып, бұл крипипастаның ақыры «жылтыр, бірақ сұсты 2 сағаттық Голливуд фильміне айналатынын» болжады.[32] GameRant басылымынан Таннер Фокс (Tanner Fox) Бэкрумс туралы мемді сипаттау барысында бұл қысқаметражды фильмді «қысқа уақыт ішінде адамның зәресін ұшыратын үрейді сыйғыза алған, жанды түршіктіретін туынды» деп атады.[33] Bloody Disgusting редакторы Майкл Л. Сандал (Michael L. Sandal) оны жазушы Шарлотта Перкинс Гилманның шығармаларымен салыстырды.[34]

Содан бері Парсонс 2025 жылдың 12 ақпанындағы жағдай бойынша Бэкрумсқа қатысты басқа он бес бейнероликті хронологиялық емес ретпен жүктеп салды, олар: «Үшінші сынақ», «Бірінші байланыс», «Хабар-ошарсыз кеткендер», «Ақпараттық бейне», «Аутопсия туралы есеп», «Қозғалыс анықталды», «Прототип», «Су астындағы тастар», «Есеп», «Презентация», «Қайта қауышу», «Қалпына келтіру-жөндеу жұмыстары», «Жарық пен плиткаға шолу» және «Статикалық тұйық».[35][36] Олардың жалпы сюжеті ойдан шығарылған Async қорының айналасында өрбиді, ол «барлық ағымдағы және болашақтағы сақтау және тұрғын үй қажеттіліктерін» шешу үшін Бэкрумсты тауып, содан кейін оны зерттейді, сонымен қатар ақпараттық бейнеде бұл локация «KV31 жобасы» деп аталады.[37]

Бейне ойындары

[өңдеу | дереккөзін өңдеу]

Құрылған сәтінен бастап Бэкрумс тұжырымдамасы бейне ойындардың есебінен айтарлықтай кеңейтіле түсті:[12] бұған мысал ретінде 2019 жылы Pie on a Plate Productions инди-ойын студиясы шығарған, дәл сондай атаумен жарық көрген The Backrooms хоррор-ойынын келтіруге болады.[4][6] Журналист Сигма Клим (Sigma Klim) Guru Gamer интернет-басылымында жарияланған мақаласында бұл туынды өзі «клишеге айналған» деп атаған қорқынышты контенттің басым көпшілігінің арасында мүлдем бірегей дүние болып табылады деген пікірмен бөліседі, сондай-ақ олардың ұқсастығын «тарихты өз бетінше пайымдауда және ойын жағдайларынан шығу жолын дәл солай іздеуде» деп түсіндіріп, оны Yume Nikki ойынымен салыстырады.[38]

Бэкрумс желісі бойынша жарық көрген басқа да ойындарға The Backrooms Game,[39] Inside the Backrooms,[40] The Backrooms Simulator, Enter the Backrooms және тағы басқалары жатады.[41][42]

Дереккөздер

[өңдеу | дереккөзін өңдеу]
  1. 1 2 Silvia Trevisson How "backrooms" became an urban legend of the digital age (ағыл.). nssmag.com. (30 сәуір 2022). Басты дереккөзінен мұрағатталған 4 тамыз 2022. Тексерілді, 8 қыркүйек 2022.
  2. 1 2 The Backrooms / Part of a series on Creepypasta (ағыл.). knowyourmeme.com. Басты дереккөзінен мұрағатталған 20 қыркүйек 2022. Тексерілді, 8 қыркүйек 2022.
  3. 1 2 3 4 5 6 Andrew Lloyd The Backrooms: How a Creepy Office Photo Became an Internet Bogeyman (ағыл.). Vice.com. (29 наурыз 2022). Басты дереккөзінен мұрағатталған 30 қараша 2022. Тексерілді, 11 желтоқсан 2022.
  4. 1 2 3 4 Reece Rogers How to 'No-Clip' Reality and Arrive in the Backrooms (ағыл.). Wired. (11 мамыр 2022). Басты дереккөзінен мұрағатталған 10 шілде 2022. Тексерілді, 12 желтоқсан 2022.
  5. ↑ unsettling images (ағыл.). 4chan.org (archive.4plebs.org). (12 мамыр 2019). Басты дереккөзінен мұрағатталған 27 сәуір 2022. Тексерілді, 12 желтоқсан 2022.
  6. 1 2 Виктор Ра-Страг Не смотри на это… (орыс.). Darker. (8 тамыз 2019). Басты дереккөзінен мұрағатталған 12 желтоқсан 2022. Тексерілді, 12 желтоқсан 2022.
  7. ↑ Рената Гиматдинова Что такое лиминальные пространства. Тренд с безлюдными помещениями как из снов захватил соцсети (орыс.). Medialeaks. (2 қыркүйек 2021). Басты дереккөзінен мұрағатталған 12 желтоқсан 2022. Тексерілді, 12 желтоқсан 2022.
  8. 1 2 3 unsettling images (ағыл.). 4chan.org (archive.4plebs.org). (12 мамыр 2019). Басты дереккөзінен мұрағатталған 27 сәуір 2022. Тексерілді, 12 желтоқсан 2022.
  9. 1 2 3 4 5 6 7 8 9 10 Eve Edwards Are The Backrooms a real place? This creepy office could be anywhere (ағыл.). The Focus. (мамыр 2022). Басты дереккөзінен мұрағатталған 12 желтоқсан 2022. Тексерілді, 12 желтоқсан 2022.
  10. 1 2 3 4 Lucia The Backrooms, Explained: A Guide To The Internet's Favorite Non-Reality (ағыл.). The Ghost in my Machine. (12 шілде 2021). Басты дереккөзінен мұрағатталған 7 қыркүйек 2022. Тексерілді, 8 қыркүйек 2022.
  11. 1 2 3 4 5 6 7 Thomas Mcnulty Backrooms Minecraft Map Brings Terrifying Internet Meme To Life (ағыл.). Screen Rant. (11 ақпан 2022). Басты дереккөзінен мұрағатталған 17 ақпан 2022. Тексерілді, 14 желтоқсан 2022.
  12. 1 2 3 4 5 Kaitlyn Kubrick What is The Backrooms? The terrifying creepypasta of cursed dreams (ағыл.). SOMAG news. (17 сәуір 2020). Басты дереккөзінен мұрағатталған 26 ақпан 2022. Тексерілді, 13 желтоқсан 2022.
  13. ↑ Patston, Manning The Backrooms: an eerie phenomenon lies behind these familiar hallways (ағыл.). Happy Mag. (3 тамыз 2021). Басты дереккөзінен мұрағатталған 1 ақпан 2022. Тексерілді, 16 шілде 2022.
  14. ↑ The Backrooms (ағыл.). 4chan.org (archive.4plebs.org). (15 мамыр 2019). Басты дереккөзінен мұрағатталған 19 ақпан 2022. Тексерілді, 13 желтоқсан 2022.
  15. 1 2 Mark Frauenfelder The Magnet 0018: The quiet horror of procedural generation (ағыл.). The Magnet. (13 желтоқсан 2020). Басты дереккөзінен мұрағатталған 1 ақпан 2022. Тексерілді, 13 желтоқсан 2022.
  16. ↑ kenopsia (ағыл.). The Dictionary of Obscure Sorrows. (2012). Басты дереккөзінен мұрағатталған 1 ақпан 2022. Тексерілді, 13 желтоқсан 2022.
  17. ↑ Placido, Dani Di Finally, The Internet Found ‘The Backrooms’ (ағыл.). Forbes. Тексерілді, 31 мамыр 2024.
  18. ↑ Karl Emil Koch Architecture: The Cult Following Of Liminal Space (ағыл.). Musée Magazine. (2 қараша 2020). Басты дереккөзінен мұрағатталған 17 желтоқсан 2021. Тексерілді, 13 желтоқсан 2022.
  19. ↑ Jake Pitre The Eerie Comfort of Liminal Spaces (орыс.). The Atlantic. (1 қараша 2022). Басты дереккөзінен мұрағатталған 12 желтоқсан 2022. Тексерілді, 12 желтоқсан 2022.
  20. ↑ #liminalspaces (орыс.). TikTok. Басты дереккөзінен мұрағатталған 12 желтоқсан 2022. Тексерілді, 12 желтоқсан 2022.
  21. 1 2 Günseli Yalcinkaya, Callum Abbott Inside the uncanny world of #liminalspaces TikTok (ағыл.). Dazed. (14 сәуір 2021). Басты дереккөзінен мұрағатталған 31 қаңтар 2022. Тексерілді, 13 желтоқсан 2022.
  22. ↑ Michael Hollan Woman finds out Airbnb is located above abandoned mall (ағыл.). news.com.au. (17 мамыр 2021). Басты дереккөзінен мұрағатталған 31 қаңтар 2022. Тексерілді, 13 желтоқсан 2022.
  23. ↑ Sara Santora Woman Shares 'Abandoned Mall' She Found Under Her Airbnb (ағыл.). Newsweek. (18 мамыр 2021). Басты дереккөзінен мұрағатталған 31 қаңтар 2022. Тексерілді, 13 желтоқсан 2022.
  24. ↑ Marta Ferro Viaggio Nelle Backrooms (итал.). Antropia. (30 қараша 2020). Басты дереккөзінен мұрағатталған 13 желтоқсан 2022. Тексерілді, 13 желтоқсан 2022.
  25. ↑ М. С. Парфенов The Backrooms - жуткое порождение интернет-фольклора (ВИДЕО) (орыс.). HorrorZone. (5 ақпан 2022). Басты дереккөзінен мұрағатталған 5 ақпан 2022. Тексерілді, 12 желтоқсан 2022.
  26. ↑ Kara Dennison See Attack on Titan Through the Eyes of Backrooms Director Kane Pixels (ағыл.). OtakuUSAmagazine. (7 ақпан 2022). Басты дереккөзінен мұрағатталған 7 ақпан 2022. Тексерілді, 14 желтоқсан 2022.
  27. ↑ Erica Russell Is this viral found footage horror short the scariest video on the Internet? (ағыл.). wpst.com. (12022-01-17). Басты дереккөзінен мұрағатталған 31 қаңтар 2022. Тексерілді, 14 желтоқсан 2022.
  28. ↑ Mary Beth McAndrews ‘The Backrooms’ Is A Found Footage Nightmare Freaking Out The Internet (ағыл.). Dread Central. (14 қаңтар 2022). Басты дереккөзінен мұрағатталған 31 қаңтар 2022. Тексерілді, 14 желтоқсан 2022.
  29. ↑ Mary Beth McAndrews Liminal Horror: 10 Movies Lost In Space and Time (ағыл.). 2022-02-07. Басты дереккөзінен мұрағатталған 27 ақпан 2022. Тексерілді, 14 желтоқсан 2022.
  30. ↑ The Backrooms (ағыл.). The Awesomer. (17 қаңтар 2022). Басты дереккөзінен мұрағатталған 1 ақпан 2022. Тексерілді, 14 желтоқсан 2022.
  31. ↑ Rob Beschizza Explore The Backrooms in this short found-footage horror flick (ағыл.). BoingBoing.net. (1 ақпан 2022). Басты дереккөзінен мұрағатталған 18 қараша 2022. Тексерілді, 14 желтоқсан 2022.
  32. ↑ Rob Beschizza Explore The Backrooms in this short found-footage horror flick (ағыл.). BoingBoing.net. (1 ақпан 2022). Басты дереккөзінен мұрағатталған 18 қараша 2022. Тексерілді, 14 желтоқсан 2022.
  33. ↑ Tanner Fox Terrifying Pokemon Animation Shows What Haunter Would Look Like in Real Life (ағыл.). GameRant. (7 ақпан 2022). Басты дереккөзінен мұрағатталған 7 ақпан 2022. Тексерілді, 14 желтоқсан 2022.
  34. ↑ Michael L Sandal ‘The Backrooms Game’ Brings a Modern Creepypasta to Life [What We Play in the Shadows] (ағыл.). Bloody Disgusting. (30 сәуір 2020). Басты дереккөзінен мұрағатталған 26 ақпан 2022. Тексерілді, 14 желтоқсан 2022.
  35. ↑ Phil Cool Short Film Series: The Backrooms (ағыл.). Live For Films. (2 ақпан 2022). Басты дереккөзінен мұрағатталған 2 ақпан 2022. Тексерілді, 14 желтоқсан 2022.
  36. ↑ Mary Beth McAndrews Disturbing Found Footage Sequel To ‘The Backrooms’ Dissects A Victim [Watch] (ағыл.). Dread Central. (7 наурыз 2022). Басты дереккөзінен мұрағатталған 12 наурыз 2022. Тексерілді, 14 желтоқсан 2022.
  37. ↑ Phil Cool Short: Backrooms – Informational Video (ағыл.). Live For Films. (13 ақпан 2022). Басты дереккөзінен мұрағатталған 23 ақпан 2022. Тексерілді, 14 желтоқсан 2022.
  38. ↑ Sigma Klim Test Your Nerve With This Eerie Title – The Backrooms Game (ағыл.). Guru Gamer. (12 тамыз 2019). Басты дереккөзінен мұрағатталған 13 ақпан 2022. Тексерілді, 13 желтоқсан 2022.
  39. ↑ Игра «The Backrooms Game FREE Edition» (ағыл.). Steam Store. Басты дереккөзінен мұрағатталған 8 қыркүйек 2022. Тексерілді, 8 қыркүйек 2022.
  40. ↑ Игра «Inside the Backrooms» (ағыл.). Steam Store. Басты дереккөзінен мұрағатталған 8 қыркүйек 2022. Тексерілді, 8 қыркүйек 2022.
  41. ↑ Игра «The Backrooms 1998 - Found Footage Survival Horror Game» (ағыл.). Steam Store. Басты дереккөзінен мұрағатталған 8 қыркүйек 2022. Тексерілді, 8 қыркүйек 2022.
  42. ↑ Jeffrey Loeffler Enter the Backrooms: five games that explore the new creepy internet sensation (ағыл.). techradar.com. (5 шілде 2022). Басты дереккөзінен мұрағатталған 12 желтоқсан 2022. Тексерілді, 12 желтоқсан 2022.

Сыртқы сілтемелер

[өңдеу | дереккөзін өңдеу]
«https://kk.wikipedia.org/w/index.php?title=Бэкрумс&oldid=3614481» бетінен алынған