Білек ақын
Білек ақын (туған – өлген жылдары белгісіз) – 19 ғ-дың басында қазіргі Жаңақала ауданы жеріндегі Жиделі құмында өмір сүрген өнер иесі. Байұлы тайпасының қызылқұрт руынан, оның ерші тармағынан шыққан, күйші Құрмангазымен аталас. Ақынды «Соқыр Білек» деп те атаған. Себебі 11 жасында шешек ауруы салдарынан суқараңғы болып қалған. Ақындық енері де осы жасында дарыған дейді. Білек ақынның шығармалары Жаңақала, әсіресе Қамыс-Самар өңіріне кең тараған. «Алдыңда мұңын шағып Білек отыр, Тәңірден екі көзін тілеп отыр. Шамшырақ - екі көзден айырылғасын, Білегің осы күні жүдеп отыр» деген сияқты қайғы-мұңға толы өлендері ұрпақтан-ұрпаққа тарап келеді. Білек ақынның өлеңдері, айтыстары, толғаулары, жоқтаулары Қазақстан ҒА Әдебиет және өнер институтының қолжазбалар қорында сақтаулы.[1]
Дереккөздер[өңдеу | қайнарын өңдеу]
- ↑ Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |