Білік омыртқа

Уикипедия — ашық энциклопедиясынан алынған мәлімет
Навигацияға өту Іздеуге өту

Білік омыртқа (грек, axon — білік, ось) — екінші мойын омыртқа немесе толғау омыртқа деп аталады. Білік омыртқа негізгі үш бөліктен: омыртқа денесінен, омыртқа доғасынан және олардың арасындағы омыртқа тесігінен тұрады. Білік омыртқа денесінің алдыңғы жағындағы омыртқа басы орнында, ауыз омыртқамен (I мойын омыртқамен) буынды байланыс жасайтын оның тісше өсіндісі болады. Омыртқа доғасында қан тамырлары мен жүйкелер өтетін омыртқааралық және көлденен тесіктері бар. Омыртқаның екі қапталынан бұлшықеттер бекитін көлденең өсінділері шығып тұрады. Білік омыртқаның буынды өсінділерінен жануарларда тек артқы (адамда төменгі) буынды өсінділері жетілген. Білік омыртқа денесінің шүңқыры үшінші мойын омыртқа денесі басымен шеміршек арқылы тұтаса байланысады (синхондроз). Білік омыртқада адам мен әртүрлі жануарлар түрлеріне сәйкес, оларға тән құрылыс ерекшеліктері болады.[1]

Дереккөздер[өңдеу | қайнарын өңдеу]

  1. Биоморфология терминдерінің түсіндірме сөздігі/ - Алматы: "Сөздік-Словарь", 2009. ISBN 9965-822-54-9