Бірлік (арт-нысан)
 | Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
|
|
| Ербосын Мельдибеков |
| «Бірлік» арт-нысаны, 2024 |
| Қазақстан, Алматы, Сайран көлі |
«Бірлік» — Алматы қаласындағы Сайран көлі мен Үлкен Алматы өзені құятын тұста орналасқан арт-нысан.[1] Композиция 2016 жылы орын алған шынайы оқиға — адамдардың суға батып бара жатқан итті құтқару үшін «тірі тізбек» құрып, бір-біріне көмектескен сәтіне арналған.
Оқиға тарихы
[өңдеу | дереккөзін өңдеу]Арт-нысанның негізіне 2016 жылдың жазында Сайран су қоймасында болған резонансты оқиға алынған. Сол күні суға құлап кеткен ит бетон жағалаудың тіктігінен өздігінен шыға алмай қалған. Оған көмектеспек болған жас жігіт те төмен түсіп, бірақ қайта көтерілуге мүмкіндігі болмаған. Оқиға куәгерлері бірден жұмылып, бір-бірінің қолынан ұстап, «тірі тізбек» құрады. Нәтижесінде алдымен ит, кейін оны құтқармақ болған жігіт аман-есен жоғарыға шығарылған. Бұл сәттің суреттері мен видеолары әлеуметтік желілерде кеңінен тарап, алматылықтардың жанашырлығы мен бірлігінің символына айналды.[2]
Сипаттамасы
[өңдеу | дереккөзін өңдеу]Мүсіндік композицияның авторы — танымал қазақстандық суретші Ербосын Мельдибеков.[3] Туынды адамдардың өзара көмегі мен мейірімділігін бейнелейді. Арт-нысанның басты ерекшелігі — оның интерактивтілігінде: композициядағы ең соңғы адамның қолы қоршаудан сыртқа қарай созылып жасалған. Бұл қала тұрғындары мен қонақтарына сол «құтқару тізбегіне» символикалық түрде қосылып, суретке түсуге мүмкіндік береді.
Орнатылуы
[өңдеу | дереккөзін өңдеу]Жобаны жүзеге асыруға бастамашы болған — «ForteBank».[4] Қала әкімдігінің мәліметінше, бұл нысанды тұрғызуға бюджет қаражаты жұмсалмаған. Арт-нысанның ресми ашылуы 2026 жылдың 22 наурызында — Наурыз мерекесіне орай болды.
Арт-нысан Үлкен Алматы өзенінің Сайран көліне құятын бөлігінде орналасқан. Ол заманауи қалалық ортаның ажырамас бөлігі ретінде қоғамдағы ізгі құндылықтарды — мейірімділік пен жанашырлықты насихаттауды көздейді.