Бірінші Алматы Теміржолы Вокзалы Ғимараты

Бірінші Алматы Теміржолы Вокзалы Ғимараты - темір жол көлігі жолаушыларына қызмет көрсетуге, көлік құралдарының қозғалысын басқаруға арналған ғимарат пен құрылыс кешені. Ол 1976 ж. (арх. С.О. Мхиторян, З.Н. Солдатова, Н.Ж. Панченко) салынған. Перрондармен байланыс ыңғайлы жер асты өтпе жолы арқылы жүзеге асырылады, бұл жолдық күту залына және вокзал алаңына шығатын есігі бар. Қасбеті қатар орналасқан тік бағаналармен көмкерілген. Олар үйдің зәулімдігін көрсетеді. Ғимарат тіреуіш табанды біртұтас каркастан жасалған. Қолданылған құралымдар құрылыстың сейсмикалық төзімділігін қамтамасыз етеді. Ғимараттың ішкі және сыртқы өрленуіне мәрмәр, гранит, анодталған алюминий, т.б. материалдар пайдаланылады. 2005 ж. күрделі жөндеу жұмыстары жүргізіліп, қалпына келтірілді.