Бірінші Алматы вокзалы

Бірінші Алматы вокзалы — темір жол көлігі жолаушыларына қызмет көрсетуге, көлік құралдарының қозғалысын басқаруға және қызметші адамдарды орналастыруға арналған ғимарат пен құрылыс кешені. Ол 1976 ж. салынған (арх. С.О.Мхиторян, З.И.Солдатова, Н.Д.Панченко). Перрондармен байланыс ыңғайлы жер асты өтпе жолы арқыны жүзеге асырылады, Бұл жолдын күту залына және вокзал алаңына шығатын есігі бар. Қасбет қатар орналасқан тік бағаналармен көмкерілген. Олар үйдің зәулімдігін көрсетеді. Ғимараттың қасбет қабырғасы витражды әйнек және анодталған алюминийден тұрады. Ғимарат тіреуіш табанды біртұтас каркастан жасалған. Қолданылған конструкциялар құрылыстың сейсмикалық төзімділігін қамтамасыз етеді. Ғимараттың ішкі және сыртқы әрлеуіне мәрмәр, гранит, анодталған алюминий, т.б. материалдар пайдаланылды.