Бір мұнаралы мешіт
| Бір мұнаралы мешіт | |
 | |
| Ел | |
|---|---|
| Қала | |
| Статусы |
Республикалық маңызы бар тарих және мәдениет ескерткіші |
| Сәулет стилі |
қала және сәулет құрылысы |
| Сәулетшісі |
Ғабдулла Эфенди, Баязид Сатбаев |
| Картада орналасуы | |
|
| |
Координаттар: 50°24′14″ с. е. 80°15′25″ ш. б. / 50.40389° с. е. 80.25694° ш. б. (G) (O) (Я)
Бір мұнаралы мешіт – Республикалық маңызы бар тарих және мәдениет ескерткіштерінің мемлекеттік тізіміне енген XIX ғасырдың екінші жартысында тұрғызылған мешіт.
Орналасқан жері
[өңдеу | қайнарын өңдеу]Абай облысы, Семей қаласы, М. Жұмабаев көшесі, 17.
Тарихи деректер
[өңдеу | қайнарын өңдеу]1902 жылы мамырда Семейде болған алапат өрт кезінде тұрғын үйлермен бірге №3 ағаш мешіт те жанып кеткен. 1908–1910 жылдары сол жерге көпес Мусиннің қаржысына бір мұнаралы тас мешіт салынды. Оны Стамбулдан келген сәулетші Ғабдулла Эфенди тұрғызды.
Биік конус тәрізді жабылып, алтынданған жарты аймен бітетін екі қабатты дөңгелек мұнара, үсті таға тәрізді плиталармен жабылған үлкен терезелер, аркаларымен, сәулеттік фриздермен және негізгі қабырғаға жапсыра қалап тұрғызылған қосымша құрылғылар құрылысқа айрықша сән береді.
Мешіттің негізгі залы – текшелі михрабы бар үш өлшемді құрылыс – үш қырлы михраб бөлігі. Михраб исламның қасиетті қаласы Меккеге бағытталған.
Ғимарат – 16 терезесі бар бірден-бір сәнді құрылыс. Күмбез алтын жалатылған жарты аймен сәнделген. Мешіт ерекше мәнерлілігімен көз тартатын темірден соғылған қоршаумен қоршалған.
1932 жылы мешіт жабылып, халық шаруашылығына пайдаланылды.
2006 жылы күрделі жөндеуден өткізіліп, қайтадан мешіт қалпына келді.[1]
Дереккөздер
[өңдеу | қайнарын өңдеу]- ↑ АЛТАЙДАН КАСПИЙГЕ ДЕЙІН. ҚАЗАҚСТАННЫҢ ТАБИҒИ,ТАРИХИ ЖӘНЕ МӘДЕНИ ЕСКЕРТКІШТЕРІ МЕН КӨРНЕКТІОРЫНДАРЫНЫҢ АТЛАСЫ. 3 томдық. Алматы. 2011. 1 т.–584 б., карталар, суреттер. ISBN 978-601-280-215-3, ISBN 978-601-280-216-0
| ||||||||||||||
