Бүлдірге

Уикипедия — ашық энциклопедиясынан алынған мәлімет
Jump to navigation Jump to search

Бүлдірге, бүлдіргі — қамшы, сойыл, шоқпар, босмойын, сылқетер сияқты қол қаруларының сабына тағылатын қайыс не былғары таспадан түйілген тұйық бау, ілмек. Бүлдірге сөзінің түп-төркіні буын және ілдіргі (буынілдіргі — буілдіргі — бүлдіргі — бүлдірге) сөзінен түзілсе керек. Бүлдірге көбіне ұрыс қаруларына тағылатындықтан және қарсыласы қаруды сілки тартқанда тез үзіліп кету үшін жіңішке, әлсіз таспадан жасалады. Үзілмей қалса тақымдап (тақымға салып сүйреп) кетуі ықтимал. Бүлдіргені ерекше етіп түйеді, оны кейде “бүлдірге түйіс” немесе “қоқан түйіс” деп атайды. [1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том