Бұзау терісі
Бұзау терісі (опоек) - мүйізді ірі қара малдың бір жасқа дейін сойылған төлінің терісі, былғары шығаруға қолданылатын майда шикізаттардың бір түрі. Бұзау терісі өлі туған бұзау терісі, еметін бұзау терісі және отыққан бұзау терісі деп үшке бөлінеді. Өлі туған бұзау терісінің салмағы есепке алынбайды, тек галантереялық былғары жасауға пайдаланылады. Еметін бұзау терісінің де салмағы есепке алынбайды, жынысына қарай бөлінбейді, аяқ киімнің үстінгі бетінің былғарысын жасау үшін қолданылады. Отыққан бұзау терісінің жаңа сойылған кездегі салмағы 10 кг жуық, ауданы 60-150 дм2, қалыңдығы 1,5-3 мм. Бұл теріні де аяқ киімнің үстіңгі бетінің былғарысын жасауға пайдаланады. Жоғарғы сортты жистин алу үшін бұзаудың бес терісі осы бағалы шикізат болып табылады.
Дереккөздер[өңдеу | қайнарын өңдеу]
< Ә.Байжұманұлы, К.Бекболатұлы . Мал шаруашылығы сөздігі. Алматы-2011. ISBN 978-601-7254-21-6> Мал шаруашылығы:
 | Бұл мақаланың сәйкес санаты қойылмаған. |