Бұл жай ғана кездейсоқтық
| Бұл жай ғана кездейсоқтық | |
| парсы: یک تصادف ساده | |
 | |
| Жанры | |
|---|---|
| Режиссёрі | |
| Продюсері |
Джафар Панахи |
| Сценарийдің авторы |
Джафар Панахи |
| Басты рөлдерде |
Вахид Мобассери |
| Операторы |
Амин Джафари |
| Кинокомпания |
Jafar Panahi Productions |
| Дистрибьютор |
Memento Distribution |
| Ұзақтығы |
104 мин |
| Кассалық түсімі |
10 млн $ |
| Мемлекет | |
| Тілі | |
| Шыққан жылы | |
| IMDb | |
Бұл жай ғана кездейсоқтық (парсы: یک تصادف ساده; ағылш. It Was Just an Accident) — ирандық режиссер Джафар Панахидің 2025 жылы жарық көрген драмалық фильмі. Фильм Иран, Франция және Люксембург елдерінің бірлескен өндірісі болып табылады.[1] Фильмде өздерін азаптаған жендет болуы мүмкін деп есептейтін адамнан кек алу мәселесіне тап болған ирандық бұрынғы саяси тұтқындар тобы туралы баяндалады. Иран үкіметін сынағаны үшін бірнеше рет түрмеге жабылған Панахи бұл фильмді Иран билігінің ресми рұқсатынсыз түсірген.[2][3][4][5]
Фильмнің әлемдік премьерасы 2025 жылдың 20 мамырында 78-ші Канн кинофестивалінің негізгі байқауында өтіп, бас жүлде — «Алтын пальма бұтағын» иеленді.[6] Туынды киносыншылар тарапынан өте жоғары бағаланды. Сондай-ақ, бұл туынды 83-ші «Алтын глобус» марапатының тарихында «Үздік драмалық фильм», «Үздік режиссер» және «Үздік сценарий» номинацияларына ұсынылған алғашқы ирандық фильм атанды. Бұған қоса, «Үздік шет тіліндегі фильм» номинациясы бойынша бақ сынады.
Сюжеті
[өңдеу | дереккөзін өңдеу]Оқиға Эгбал есімді ер адамның жүкті әйелімен бірге жол-көлік апатына түсуінен басталады. Осы оқиғадан кейін ол бұрынғы саяси тұтқындардың қатаң қарсылығына тап болады. Тұтқындар Эгбалды кезінде түрмеде өздерін азаптаған адам деп таниды.
Бұрынғы құрбандардың жетекшісі Вахид Эгбалды ұрлап кетіп, кек алу мақсатында өткенде зардап шеккендердің басын қосады. Алайда, оқиға дамыған сайын топ мүшелері өз күдіктерінің қаншалықты негізді екеніне және жасап жатқан іс-әрекеттерінің адамгершілікке жататынына күмәндана бастайды. Фильмде кек алу мен әділдік арасындағы нәзік шекара және адам тағдырындағы кездейсоқтықтардың салдары баяндалады.
Режиссер Джафар Панахи кейіпкерлердің ішкі арпалысы арқылы қазіргі Иран қоғамындағы әділеттілік пен адам құқықтары мәселесін де астарлы түрде жеткізеді.
Рөлдерде
[өңдеу | дереккөзін өңдеу]- Вахид Мобассери — Вахид
- Мариам Афшари — Шива
- Эбрахим Азизи — Эгбал
- Хадис Пакбатен — Голи / Голрох
- Маджид Панахи — Әли
- Мохаммад Али Элясмехр — Хамид
- Дельназ Наджафи — Эгбалдың қызы
- Афсане Наджамабади — Эгбалдың әйелі
- Жорж Хашемзаде — Салар
Дереккөздер
[өңдеу | дереккөзін өңдеу]- ↑ Abbatescianni, Davide Jafar Panahi's It Was Just an Accident to world-premiere in Cannes' competition (ағыл.). Cineuropa. (14 сәуір 2025). Тексерілді, 9 мамыр 2025.
- ↑ Movie Review: Jafar Panahi's 'It Was Just an Accident' is a darkly moving and funny look at revenge (ағыл.). AP News. (15 October 2025). Тексерілді, 18 қазан 2025.
- ↑ 'It Was Just an Accident' Review: A Liberation Story Straight From Iran (ағыл.) (15 October 2025).
- ↑ Ehrlich, David 'It Was Just an Accident' Review: Five Iranian Dissidents Debate Killing Their Former Torturer in Jafar Panahi's Breathless Moral Thriller (ағыл.). IndieWire. (13 October 2025). Тексерілді, 18 қазан 2025.
- ↑ Un simple accident Review: Jafar Panahi returns with Cannes gold. (ағыл.). Films Fatale. (31 May 2025). Тексерілді, 18 қазан 2025.
- ↑ Anthony D'Alessandro NEON Shines Brightly With Six For Six Palme d’Or Winners After Jafar Panahi’s ‘It Was Just An Accident’ (ағыл.). Deadline Hollywood. (24 мамыр 2025). Тексерілді, 24 мамыр 2025.
Сыртқы сілтемелер
[өңдеу | дереккөзін өңдеу]- Бұл жай ғана кездейсоқтық (ағыл.) Internet Movie Database сайтында
|
