Бұрылған

Уикипедия — ашық энциклопедиясынан алынған мәлімет
Jump to navigation Jump to search

Бұрылған , Бурлюган – Шығыс Қазақстан облысы Семей қалалық әкімдігі аумағында, Қайнар а-нан оңт.-шығысқа қарай 50 км жерде орналасқан көл. Аумағы 21,4 км², теңіз деңгейінен 812,2 м биіктікте. Ұзындығы 8,5 км, енді жері 4,1 км, жағалауының ұзындығы 24,0 км. Балқаш көлінің алабында. Негізінен еріген қар және жер асты суларымен толысады. Қараша айында суы қатып, сәуірде мұзы ериді. Қуаң жылдары суы тартылады. Суы тұзды, кермек, сілтілігі төмен. Жақын маңайдағы шаруашылықтар пайдаланады. Жағалауы жайпақ, жусан мен сораң өсімдіктер өседі. [1]

Дереккөздер[өңдеу]

  1. Қазақ Энциклопедиясы