Бәйтерек ауданы
| Бәйтерек ауданы | |
 |
|
| Елі |  Қазақстан
|
|---|---|
| Қазақстан әкімшілік бірліктері | Батыс Қазақстан облысы |
| Аудан орталығы | Переметное |
| Жұрты (2014[1]) | |
| — Бүкілі | 55 100 |
| Уақыт белдеуі | +5 (UTC+5) |
Бәйтерек ауданы - Батыс Қазақстан облысы Аудан облыстың солтүстік бөлігінде орналасқан, 1939 жылы құрылды,1997 жылы аудан құрамына Приурал ауданы енді. Аудан орталығы Переметное кентінде орналасқан. Аудан орталығынан Орал қаласына дейін -38 км.
Ауданның жалпы көлемі - 7,4 мың шаршы шақырым.
Халқы[өңдеу]
Аудан тұрғындары 2014 жылдың 1 шілдесіне 55,1 мың адамды құрады.Аудан бойынша орташа халық тығыздығы (1 шаршы шақырым аумаққа) 7,4 адамды құрайды. Ұлттық құрамы: қазақ 55%- орыс 38%, украин 2,3%, татар 1,6%, белорус 0,8%, неміс 0,3%.[2]
Әкімшілік-аумақтық бөлінуі[өңдеу]
Бәйтерек ауданында 24 ауылдық округ және 77 елді мекен бар. Округтер: Переметный, Дариян, Железнов, Зеленов, Красноармейск, Краснов, Көшім, Макаров, Мичурин, Шалғай, Раздольненск, Белес, Рубежинск, Егіндібұлақ, Трекин, Достық, Махамбет, Чеботарев, Сұлукөл, Чиров, Чувашинск, Щапов, Янайкин, Январцев.
Жағырапиясы[өңдеу]
Аумақ бедері оңтүстігінде өзен, сайлар және құрғақ аңғарлар кесіп өтетін және солтүстігінде 100 және одан аса метр биіктікті құрайтын толқынды жондары бар (Үлкен Сырт сілемінің суайрығы) ойпат жазықтан тұрады.
Ауданның негізгі табиғи су ресурстары Шаған саласымен (116 км) Орал өзені (184 км), Көшім (48км), Ембулатовқа (99 км) Рубежка (82 км), Быковка (90 км) және сондай-ақ Киров бөгенімен Орал-Көшім суландыру жүйесі және негізінен ауданның солтүстік бөлігінде орналасқан 99 әуіт пен апандар болып табылады.
Топырағы саз бен саздақтан тұрады, кей жерлерінде құм және сор топырақ кездеседі. Солтүстігінде жері қара топырақты.
Шаруашылығы[өңдеу]
Шаруашылықтағы негізгі бағыт - егін шаруашылығы. Егін шаруашылығымен қатар, негізінен ет-сүт бағытындағы мал шарушалығы дамыған.
Бәйтерек ауданы I ауылшарушылық аумаққа жатады- далалық, дән- мал шаруашылығы (облыстың солтүстік бөлігі). Бұл аумақта дәнді, майлы дақылдар, жемшөптер, қартоп және көкөніс, жеміс-жидек екпе ағаштары жинақталған. Мұнда сүтті мал шаруашылығы, шошқа және құс өсіру және ет-жүнді қой шаруашылығы жақсы дамыған.[3]
Дереккөздер[өңдеу]
- ↑ http://www.zelenov-bko.gov.kz/?id=205&menuid=351§ion=&module=text&action=&lang=kz
- ↑ http://www.batys.stat.kz/index.php?option=com_content&view=article&id=377%3A2010-02-04-09-09-43&catid=144&Itemid=191&lang=kz
- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том 3 бөлім
| |||||||||||||||||
| ||||||
 | Бұл мақаланы Уикипедия сапа талаптарына лайықты болуы үшін уикилендіру қажет. |
