Бәкір Білеубаев
| Бәкір Білеубаев | ||
| Лауазымы | ||
|---|---|---|
| ||
| 1957 — 1958 | ||
| Ізашары | Сүгірбай Байтықов | |
| Ізбасары | Қадыр Жаманбаев | |
| Өмірбаяны | ||
| Дүниеге келуі | 1909 №12 ауыл, Қарабалық болысы, Қостанай уезі | |
| Қайтыс болуы | белгісіз ? | |
| Марапаттары |
Қазақстанға 15 жыл
| |
өңдеу  | ||
Бәкір Білеубаев (1909, №12 ауыл, Қарабалық болысы, Қостанай уезі) — тарих Қазақстанның батыс өңірінде халық ағарту ісі мен партия, кеңес органдарында жауапты қызметтер атқарған қайраткер. Гурьев педагогикалық институтының (қазіргі Х.Досмұхамедов атындағы Атырау университеті) ректоры (1957–1958).
Өмірбаяны
[өңдеу | дереккөзін өңдеу]Білеубаев Бәкір 1909 жылы Қостанай уезіндегі Қарабалық болысының №12 ауылында кедей шаруа отбасында дүниеге келген. Қостанайдағы қазақ-орыс педагогикалық техникумын бітірген.
Еңбек жолын 1930 жылы Жітіқара ауданындағы Жайлым мектебінде (шаруа жастары мектебі) мұғалім болып бастады.
1931–1932 жылдары Жітіқара аудандық ағарту қызметкерлері одағының төрағасы.
1932–1933 жылдары Забелов мектебінің меңгерушісі болды.
1933 жылы Жітіқара аудандық оқу бөлімінің мектеп инспекторы-әдіскері болды.
1933–1937 жылдары Ақтөбе облысының Темір аудандық оқу бөлімін басқарды.
1935 жылы Ақтөбе облыстық партия бюросының шешімімен Семиозер аудандық оқу бөлімінің меңгерушісі болып тағайындалды, алайда 1936 жылы қайтадан Темір аудандық оқу бөліміне оралды.
1937 жылы Ақтөбе қалалық оқу бөлімін басқарды.
1937–1940 жылдары Ақтөбе қазақ-орыс педагогикалық училищесінің директоры болды.
1940 жылы Алматы облыстық оқу басқармасында мектеп секторының меңгерушісі, кейін басқарма бастығының орынбасары қызметін атқарды. Ұлы Отан соғысы жылдары Семей облыстық оқу бөлімін басқарды.
1946 жылдан бастап Көкшетау облыстық партия комитетінің үгіт-насихат жөніндегі хатшысы болып еңбек етті. Осы кезеңде Мәскеудегі КОКП Орталық Комитетінің жанындағы Жоғары партия мектебінде оқыды. Кейін Ақтөбе аудандық және облыстық партия комитеттерінде хатшы, Гурьев облыстық оқу бөлімінде кәсіптік-техникалық білім беру басқармасының бастығы қызметтерін атқарды.
1957–1958 жылдары Гурьев педагогикалық институтының ректоры болды[1].
Партиялық және ағарту саласындағы еңбегімен аймақтың білім беру жүйесінің қалыптасуына үлес қосты[2].
Марапаттары
[өңдеу | дереккөзін өңдеу]1935 жылы «Қазақстанға 15 жыл» төсбелгісімен марапатталған[3].
Сілтеме
[өңдеу | дереккөзін өңдеу]Уралбаев Ж. А. Почитаемые люди земли Казахской. 6-кітап. — Алматы: Дәуір, 2002. ISBN 9965-517-07-X.