Бәтибала

Бәтибала- Тобықты ішінде Мамай руынан шыққан әйел. Шүлембайұлы Әзімханнан 22 жасында 2 жасар баласымен жесір қалған Бәтибаланы туыстары ағайынды он кісінің бірі - Шынғайға қосуға ұйғарады. Бірақ дүние салған кісінің мал-мүлкіне қызыққан Алтынхан деген жігіт әмеңгері ретінде әйел үстіне алуға таласады. Бәтибала екеуіне де ризашылығын бермейді. Дау-дамай 1-2 айға созылып, ағайын арасы ашылуға айналады. Ел адамдары, ағайын-туыстары әділ төрелік айтар кісі іздеп, ақыры Абайды шақырады. Абай әйелді таласқан екі адамға да ұйғармай, қалған әмеңгерлерді түгел шақыртып алады да, таңдауды Бәтибаланың өзіне салады. Бәтибала Садықан Бозымбайұлын қалайды.