Бөгде шөлмасақтәрізді жалған шандра (лат.Pseudomarrubium eremostachydioides) – ерінгүлділер тұқымдасы, жалған бұйражапырақ туысына жататын көп жылдық өсімдік. ҚазақстандаҚаратаудың батыс, оңт. бөліктеріндегі тастақты ұсақ топырақты беткейлерде өседі. Биікт. 30 см, тамыры жуан, сабағы тік, бірнешеу, төрт қырлы, түкті. Жапырақтары қауырсынды тілімденген. Тостағанша жапырақтары 5-бұдырлы, күлтесі ақ түсті, сыртын түк басқан. Гүлі көп, олар жайылма-масақты гүлшоғырына топталған. Тұқымынан көбейеді. Маусым айында гүлдеп, шілдеде жемістенеді. Жемісі – төрт қырлы жаңғақша. Б. ш. ж. ш. өте сирек кездесетін реликті өсімдік болғандықтан қорғауға алынып, Қазақстанның «Қызыл кітабына» енгізілген.
